При известување за убиство, одговорноста на новинарот се удвојува
Објавено во Рецензии
on 12 - 08 - 2015 Автор: Fatlume Dervishi[Рецензија: „Еве ги причините за денешното убиство во Куманово!”]
По известување за едно убиство што се случило во Диво Насеље во Куманово, горенаведениот медиум одбрал да раскаже за причините за ова убиство, во кое животот го изгуби едно лице, а друго лице е рането. Ова не е етичен начин на информирање за едно убиство, затоа што се работи за лица кои не се јавни личности и причините за убиството не се потврдени од полицијата.
Линк за оригиналниот текст: „Еве ги причините за денешното убиство во Куманово!”
Датум и време на објавување: 28.07.2015, 12:59
Датум на рецензија: 30.07.2015
Рецензент: Фатлуме Дервиши
Насловот на веста остава впечаток дека текстот ќе содржи целосна информација за причините што довеле до убивање на едно и до ранување на друго лице. Во еден ваков случај, овие причини се веродостојни ако се официјални извештаи на Министерството за внатрешни работи, кое го истражува случајот.
На рецензираната вест ѝ недостига официјална потврда од МВР за причините на извршеното убиство. Постои можност и самиот медиум да ги открил причините, но ова задолжително треба да го поддржи со факти и со официјални изјави. Во овој случај, веста се заснова врз следната фраза: „Според првичните информации на медиумите, влошените семејни односи биле причина за денешното убиство и ранување“. Не се дава објаснување од каде ги добиле медиумите тие „првични информации“ и колку веродостојни може да бидат. Медиумите ги следат случувањата, но во еден ваков случај тоа треба да го направат и со изворот на информацијата. Со поткрепа на информациите од такви извори, медиумот станува доверлив и коректен кон сите.
Доколку овие информации немаат официјална конфирмација, постои опасност тие да се сметаат за сомнителни, а тоа не го посакува ниеден професионален медиум. Затоа новинарот и медиумот треба да бидат многу внимателни кога известуваат со непотврдени информации за вакви чуствителни случувања.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
ПЛАГИЈАТ
КВАЛИТЕТ НА НАСЛОВОТ
сензационален
соодветен
нејасен
ФОТОГРАФИЈА
има
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
УРЕДЕН ЗА ВЕБ
читлив
нема мултимедијални елементи