Преземена вест употребена во политички цели
Објавено во Рецензии
on 18 - 11 - 2015 Автор: Ана Анастасовска
[Рецензија: Луѓе на Заев удрија по Горан Пандев]
Написот што е предмет на оваа рецензија претставува делумна копија на друг напис, односно е преземена вест, но употребна во политичка цел.
Линкуван наслов на анализираниот напис: Луѓе на Заев удрија по Горан Пандев
Датум и време на објавување: 10.11.2015
Датум на рецензирање: 16.11.2015
Рецензент: Ана Анастасовска
Тенденцијата на овој напис се гледа уште во насловот. Новинарска вест е преземена и употребена за политички атак врз лидерот на опозицијата.
„Газдата на ФК Беласица Славчо Пинда, инаку познат и како многу близок човек на Зоран Заев со низа сериозни обвиненија „удри“ по Горан Пандев, пренесува струмичкиот портал „Струмица Денес“. “
Веста е дека газдата на ФК „Беласица“ упатил критики кон фудбалерот Горан Пандев. Но, ваквата вест е преформулирана и ѝ е дадена политичка нота. Имено, она што е нагласено во текстот, а нема врска со него, е дека Славчо Пинда бил близок човек на лидерот на СДСМ, Зоран Заев.
Ваквата констатација се пренесува и подолу во текстот.
„Блискиот пријател на Заев се жали и дека Горан Пандев „нанел срам за фудбалот во Струмица и ги уништил амбициите на ФК Беласица оваа година“. “
Каква врска има Заев во целата работа? Очигледно никаква. Но, има врска за авторот на оваа манипулација. Тој сака по секоја цена да го оцрни опозицискиот лидер и да го наведе читателот дека и тој, како и газдата на ФК „Беласица“, чијшто пријател можеби е, удрил по фудбалскиот репрезентативец, Пандев. Ова е пример за класична политичка манипулација, протната во новинарска вест, што е спротивно на новинарските професионални стандарди.
Доволно ќе било новинарот да ја пренесе веста како што е направена и која нема врска со Заев, туку само пренесува за што Пинда го нападнал и го обвинил Пандев. Ваквата вест, иако пренесена во овој текст, губи тежина покрај веста дека Пинда му е пријател на Заев.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
делумна копија
наведен извор со линк
КВАЛИТЕТ НА НАСЛОВОТ
информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
има контекстуални линкови
делумно стилски уреден
неповрзан со тагови