Претпоставките за жртви не треба да се објавуваат
Објавено во Рецензии
on 14 - 08 - 2015 Автор: Benjamin Arifi
[Рецензија: Вријат социјалните мрежи, дали Хазби Лика и Фатмир Деари ќе бидат следните жртви? (ФОТО)]
Објавувањето информации кои немаат друга основа освен анонимните објави на социјалните мрежи, е против секаква новинарска и професионална етика. Рецензираната вест пренесува анонимни претпоставки од „Фејсбук“, кои сугерираат на можни жртви меѓу некои јавни личности, но не нуди ниту еден факт или дополнителен аргумент кои на оваа објава би ѝ ја дале вредноста што ја има една вест.
Линк за оригиналниот текст: Вријат социјалните мрежи, дали Хазби Лика и Фатмир Деари ќе бидат следните жртви? (ФОТО)
Датум и време на објавување: 14.07.2015
Датум на рецензија: 30.07.2015
Рецензент : Бењамин Арифи
По неколкуте трагични настани кои се случија во една недела во разгранокот во Куманово, каде што беше убиен Командант Шќипоња, и во разгранокот во Струга, каде беше убиен Аргетим Асани, познат како Артан Муслиу, на социјалните мрежи кружи мислењето дека преостанатите живи команданти на ДУИ може да ги снајде иста судбина, пренесува „Лајмпрес“.
Такви претпоставки со фатални последици за некоја јавна личност, основани само врз статуси во социјалните мрежи кои се достапни за секого и секој може да напише што ќе посака, не се својствени за едно професионално новинарство. За да се поддржи веста, основана на една анонимна објава на „Фејсбук“, во текстот е опфатена и изјавата на аналитичарот Алајдин Демири дадена за еден друг медиум.
„Ако ја анализираме добро ситуацијата, од 2001 година до денес убиени се повеќе команданти од редовите на ДУИ одколку во 2001 година. Ова кажува за непринципиелната и неконзистентната политика на ДУИ“, вели Демири.
Оваа изјава на аналитичарот Алајдин Демири во ниту еден збор не алудира на контекстот што го третира овој текст. Тој ја коментира политиката на една политичка партија и жртвите во 2001 година и по конфликтот во 2001 година, но не спомнува ниедно од имињата што авторот на оваа вест ги спомнал како „идни жртви“.
При известување за вакви чувствителни случаи, новинарот треба да ги следи стриктно правилата и професионалните и моралните новинарски принципи, како и да води сметка за човечкиот аспект на спомнатите лица и на нивните семејства.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни,
1 извор
еднострани
СЕОПФАТНОСТ
несеопфатнo
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
КВАЛИТЕТ НА НАСЛОВОТ
дезинформира
некреативен
сензационален
тенденциозен
ФОТОГРАФИЈА
има
ни манипулира ни информира - ставена е само како илустрација
ГОВОР НА ОМРАЗА
нема говор на омраза
УРЕДЕН ЗА ВЕБ
не апликативно
има контекстуални линкови
стилски уреден
поврзан со тагови