Препишано мени како новинарски текст?! Ви се верува ли?
Објавено во Рецензии
on 22 - 06 - 2015 Автор: Зоран Бојаровски
[Рецензија: „35 денари кафе – 50 денари ракија: Погледнете ги цените во оваа кафеана во центарот на Скопје“]
Авторот на оваа рецензија воопшто не е среќен што троши време на оваа медиумска содржина, но што да се прави. Едноставно – мора да се регистрира зошто ова не може да помине како новинарство. Заради угледот на професијата, заради јавноста, заради помладите колеги и заради констатирањето на еден феномен, на една појава, која ги корумпира професионалните новинарски и етички стандарди.
Се работи за содржина која нема ниту еден елемент за да биде новинарска содржина, а е пласирана на место и во рубрика која со ништо не упатува на разлика, на знак или каков било друг симбол, што ќе предупреди дека се работи за комерцијална содржина.
Линк до оригиналниот напис: 35 денари кафе – 50 денари ракија: Погледнете ги цените во оваа кафеана во центарот на Скопје
Датум и време на објавување: 16.06.2015 – 12:29
Датум на рецензирање: 19.06.2015
Рецензент: Зоран Бојаровски
Да бидеме докрај формални, дури и Кодексот на новинарите во членот 6, во ставот 4, јасно наведува:
Треба да постои разграничување меѓу рекламирањето и новинарскиот текст со илустрацијата
Во нашиот случај дури и нема новинарски текст за да се направи разграничување.
Освен тоа, освен етичките и некои основни правила во однос на новинарството без кои не се може, постои и нешто што ја оддава и креативноста на новинарите зашто оваа професија не е само факти и извешати, туку и креативна алатка за правење стории од интерес.
Нема ништо од тоа во оваа содржина. Наместо да се напише една занимлива животна приказна за една кафеана како место за дружење и наместо да се опишат на еден поттикнувачки начин детaљите што го прават ова место пожелно, ние имаме препишано мени.
Препишано мени?! Ви се верува ли? Не ни се верува(ше) ниту нам, но, еве го пред нас… менито.
За среќа, во ова мени нема говор на омраза, не поттикнува насилство и не дискриминира.
Ајде доста е, зашто можеме да бидеме и понепријатни како што нè обземаат емоциите за тоа како некој може до толку да ја девалвира професијата од која живее. Наместо да живее за професијата…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
комерцијална пристрасност
КОМЕНТИРАЊЕ
нема коментаторски елементи
ПЛАГИЈАТ
целосна копија
ненаведен извор
КВАЛИТЕТ НА НАСЛОВОТ
информира
некреативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови