Премиер претставен како златна рипка
Објавено во Рецензии
on 11 - 09 - 2015 Автор: Зоран Бојаровски
[Рецензија: Преку посетите на терен најдобро се решаваат проблемите на граѓаните]
Нема премногу да се задржуваме со рецензијата на оваа медиумска содржина. Така како што е напишана, таа го претвора медиумот во гласило, билтен на претседателот на владата и во неа нема ништо што е вредно за да биде вест или друга стандардна медиумска содржина.
Освен непостоењето или немањето желба да се почитуваат принципите кои утврдуваат дали една информација е вредна да биде вест, оваа медиумска содржина нема ниту критички однос кон активностите на политичарите кои се избрани од народот за да работат во име на јавниот интерес. Во овој случај, еден еманципиран и политички образован медиумски уреднички тим, не може да пропушти да укаже дека овој тип активности, освен што е популистички, имаат цел само да го промовира политичарот што ги презема овие активности.
Тоа нема никаква врска со јавниот интерес.
Линк до оригиналниот напис: Преку посетите на терен најдобро се решаваат проблемите на граѓаните
Датум и време на објавување: 09.09.2015, 13:10
Датум на рецензирање: 11.09.2015
Рецензент: Зоран Бојаровски
Зошто? Затоа што овој начин на „комуникација“ со граѓаните може да ја доведе во прашање стратегијата на власта за препознавање и за решавање на проблемите на граѓаните низ вообичаените и утврдени механизми. Зарем лично премиерот треба да излезе на терен за да му биде кажано дека прозорците во училиштата не се затвораат, дека граѓаните немаат пат, дека чешмата не тече… Затоа што овој начин на „исполнување желби на златната рипка“, гледањето во далечината, покажувањето со показалецот… е краткорочно и инцидентно, без систем и планирање. Освен тоа, во голема мерка се работи за веќе предвидени и рутински активности на владините агенции и на други структури.
Медиумскиот ентураж (недостоинствена придружба) само потврдува дека се работи за популистичка тактика за присуство во јавноста.
Тоа еден медиум треба да го знае и да го препознае пред да реши од тоа да прави медиумска содржина. Зашто, поинаку, сè е политички пристрасна медиумска содржина.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
не може да се утврди
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови