Предупредување: Вознемирувачка објава!
Објавено во Рецензии
on 10 - 03 - 2016 Автор: Силвана Жежова
[Рецензија: Утре во Македонија започнува војна? Погледнете што ќе се случува во Бутел]
Текстот, кој, патем, нема текст, опремен е со сензационалистички наслов и илустриран е со фотографии од претходни настани низ улиците на Скопје, а има цел да предизвика паника меѓу народот и да „подгрее“ меѓуетнички тензии.
Се работи за драматична најава за протестот во Бутел, кој заврши без ескалација на ситуацијата. Како одговор на протестот на Албанците за поставувањето на крстот во Бутел, навистина, излегоа и Македонците, но сепак не дојде до поголеми тензии.
Линк до оригиналниот наслов: Утре во Македонија започнува војна? Погледнете што ќе се случува во Бутел
Датум и време на објавување: 03.03.2016
Датум на рецензија: 09.03.2016
Рецензент: Силвана Жежова
ПАНИЧЕН НАСЛОВ
Написот, инаку, се повикува на одредени медиуми, без да се прецизира кои се тие и што точно објавиле за овој настан.
„Одредени медиуми проширија вистинска паника на социјалните мрежи, прочитајте за што точно се работи во продолжение.“
Во него стои и предупредување дека информацијата треба да се земе со доза резерва, што се коси со сите новинарски правила. Што е новинарството ако не објавување проверени и точни информации?! Од друга страна, ако постоел сомнеж дека веста е неточна, нејасно е зошто тогаш имало потреба од нејзино објавување?
„Предупредување: Информацијата земете ја со доза на резерва.“
Во преамбулата од новинарскиот Кодекс е наведено дека основна задача на новинарите е да ја почитуваат вистината, а при пренесувањето на информациите тие треба да бидат чесни, објективни и точни. Истото е нагласено и во првиот член од Кодексот, каде се вели дека „новинарот треба да објавува точни, проверени информации и нема да прикрива суштински податоци и да фалсификува документи“.
Без поткрепа од факти, овој текст е шпекулативен, а особено е проблематичен насловот со кој се најавува војна! Тој предизвикува вознемиреност меѓу граѓаните и може да поттикне насилство.
Ваквиот пристап на обработка и на пласирање на информациите е во спротивност со принципите на етички исправното новинарство, кои подразбираат дека новинарските текстови треба да бидат ослободени од сензационализам и со нив не смее да се провоцира насилство и омраза.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
наведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови