Претпоставките за чувства тешко се верифицираат
Објавено во Рецензии
on 12 - 08 - 2015 Автор: Benjamin Arifi
[Рецензија: Албанците кои го поддржуваат Заев 100 % занемеа од разочарување!]
Рецензираниот текст воопшто не наликува на еден новинарски текст. Текстот ја анализира емотивната состојба на некои неимнувани поединци, опишувајќи го нивното „разочарување“ и „нивната патолошка омраза“ без да даде факти или извори за таквите претпоставки.
Линк до оригиналниот текст: Дали Албанците кои го поддржуваат Заев 100 % занемеа од разочарување!
Датум и време на објавување: 30.07.2015
Датум на рецензија: 06.08.2015
Рецензент: Бењамин Арифи
Споменатиот текст не содржи речиси ниту еден елемент на вест, туку целиот е со претпоставки и со хипотези.
„Имаше многу Албанци кои чекаа на ред за да се фотографираат со македонскиот лидер, претставувајќи го него како амблематска фигура на демократијата.
Но, по 15 јули, работите се променија, СДСМ ја постигна целта, а Албанците само беа злоупотребени на најсуров начин и чувствуваат патолошка омраза кон Заев поради многуте ветувања кои тој им ги даде на Албанците и истите не ги исполни.“
Констатацијата дека една група Албанци место симпатија сега за Заев чувствуваат патолошка омраза не е поткрепена со ниту еден аргумент, настан или дејство на неименуваните поединци во овој текст.
Тешко може да се верифицира емотивната состојба на некој поединец. И во случај кога се има извори од психолог или психијатар, од медиумите не може да се донесат директни констатации.
Авторот во овој текст ја спомнал само причината за „омразата“ која овие Албанци ја чувствуваат кон Заев, тврдејќи дека тоа е последица на неисполнетите ветувања дадени на Албанците. Но, во текстот недостига објаснување што им ветил на Албанците лидерот на опозицијата.
Покренатите прашања може да се и праведни и јавноста е многу заинтересирана да знае дали Заев ќе ја има или не поддршката на Албанците или, пак, и само за нивниот став во однос на него, но неаргументираните констатации не се дел од професионалното новинарство.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
сензационален
тенденциозен
ФОТОГРАФИЈА
има
ни манипулира ни информира - ставена е само како илустрација
ГОВОР НА ОМРАЗА
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
стилски уреден
поврзан со тагови