Ширењето празноверие е спротивно на новинарската етика
Објавено во Рецензии
on 16 - 12 - 2015 Автор: Симона Атанасова
[Рецензија: Полна месечина ќе се појави на Божиќ: Ако сакате пари, изговорете ја реченицава!]
Текстот е полн со празноверие, суеверност, бабини деветини, а во него отсуствуваат факти, изјави и потврдени податоци. Напишаното не влегува во ниту еден новинарски жанр, не нуди новост ниту, пак, проверена информација, а најмалку од сè има едукативна содржина.
Линк до оригиналниот напис: Полна месечина ќе се појави на Божиќ: Ако сакате пари, изговорете ја реченицава!
Датум и време на објавување: 14.12.2015, 13:03
Датум на рецензирање: 15.12.2015
Рецензент: Симона Атанасова
БАБИНИ ДЕВЕТИНИ
Текстот му предлага на читателот да направи ритуал за привлекување пари, кој не е ништо друго туку чисто празноверие и нема никаква потврда дека тој фукнционира.
Во текстот се вели и дека „Овој феномен последен пат е забележан во 1977 година“, но нема поконректни информации кој го забележал, кој го применувал и дали воопшто бил ефективен.
Насловот на текстот е манипулативен и неточен затоа што е спомнат верскиот празник Божиќ, кој во Македонија се прославува на 7 јануари, но подолу во текстот се вели дека станува збор за католичкиот Божиќ, кој се прославува на 25 декември.
Новинарските текстови треба, пред сè, да информираат со проверени и со чисти информации, а не да се базираат на суеверија и да му предлагаат на читателот да прави ритуали што немаат никаква врска со реалноста.
Освен информирање, на новинарството задача му е и да едуцира, а овој текст нема никаква едукативна вредност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
лажни информации
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови