Погрешно толкување и тенденциозен пристап за изјавите на Рауфи!
Објавено во Рецензии
on 3 - 11 - 2016 Автор: Adrian Kerimi
Напис: Адвокатот Насер Рауфи признава дека групата од Диво Насеље можеби зела 2 милиони евра!?
До пред некое време сè беше енигматично во врска со лицата што го почнаа инцидентот од 9 и 10 мај минатата година во Диво Насеље во Куманово, кој заврши со неколку жртви од двете страни, вооружената група и полициските сили, известува „Журнал“.
Во последното интервју дадено за „Макфакс“, адвокатот на групата од Диво Насеље, Насер Рауфи, меѓу другото, одговара и за тоа како вооружената група можеби зела пари за организирање на оваа акција.
Дали има докази дека, како што се зборува, на групата ѝ се исплатени два милиони евра за акцијата?
Како материјален доказ нема ништо, но се зборува дека, да, сме предложиле и сведоци, но јас не мислам дека акцијата е извршена поради материјални интереси, не ја исклучувам можноста Командант Нато и Бег Ризај да зеле пари додека за другите не сме слушнале да се зборува дека зеле пари, изјави адвокатот Рауфи во неговото последно интервју, пренесува „Журнал“.
[Рецензија: Адвокатот Насер Рауфи признава дека групата од Диво Насеље можеби зела 2 милиони евра!?]
Енигмите не се решаваат со претпоставки или со погрешно толкување на изјави. Такво нешто е уште помалку дозволено во новинарството, ако изворите и цитатите не се ексклузивни за редакцијата, туку се преземаат, се преведуваат и се усогласуваат од друг медиум и на друг јазик.
Веста што ја рецензираме не е вистинита. Авторот, толкувајќи ја погрешно изјавата на адвокатот Насер Рауфи, клевети на негова сметка – за неговите клиенти.
„До пред некое време сè беше енигматично во врска со лицата што го почнаа инцидентот од 9 и 10 мај минатата година во Диво Насеље во Куманово, кој заврши со неколку жртви од двете страни, вооружената група и полициските сили, известува „Журнал“.
Во последното интервју, дадено за „Макфакс“, адвокатот на групата од Диво Насеље, Насер Рауфи, меѓу другото, одговара и за тоа како вооружената група можеби зела пари за организирање на оваа акција“.
Линк до оригиналниот напис: „Адвокатот Насер Рауфи признава дека групата од Диво Насеље можеби зела 2 милиони евра!?”
Датум и време на објавување: 29.10.2016
Датум на рецензирање: 30.10.2016
Рецензент: Адриан Керими
Иако во текстот нема новинарски стил и професионално поставување на веста, најдена е можност да се клевети и да се толкува погрешно прашањето кое е предмет на информацијата. Всушност, адвокатот Рауфи се изјаснува за милионските суми, но ниту потврдил, ниту негирал такво нешто. Ова се гледа и во неговиот одговор, но и од ставот за медиумот што ја обезбедил ексклузивната изјава на Рауфи. Рауфи, потпирајќи се на материјалите што ги поседува како бранител, изјавил:
„Не верувам дека акцијата е извршена поради материјални интереси“.
Во следниот пасус се пренесува ставот на Рауфи, кој додава дека не ја исклучува можноста двајца од најпопуларните главни членови на кумановската група да имале интерес, но ова не подразбира дека тој признал дека неговите клиенти зеле два милиони евра, како што тврди авторот.
„Дали има докази дека, како што се зборува, на групата ѝ се исплатени два милиони евра за акцијата?
Како материјален доказ нема ништо, но се зборува дека, да, сме предложиле и сведоци, но јас не мислам дека акцијата е извршена поради материјални интереси, не ја исклучувам можноста Командант Нато и Бег Ризај да зеле пари, додека за другите не сме слушнале да се зборува дека зеле пари, изјави адвокатот Рауфи во неговото последно интервју…“
Во такви случаи, новинарот е обврзан да го има предвид настанот и да биде во тек. Лицата што се спомнуваат од страна на Рауфи, не се дел од предметот и сега веќе се покојни. Врз основа на оваа реалност, не може да се направи вест која вели дека истите биле платени без да се има никаков силен доказ, но и да беше така, ставот на Рауфи без докази претставува само една претпоставка или став од една страна, бидејќи сега веќе нема логика жртвите да се претставуваат од страна на Рауфи во судска постапка.
Како и да е, тоа што веста нема структура, официјални ставови, автентични извори и заднина, докажува дека во текстот не е водено сметка за настаните, фактите и за актуелноста. Настрана од тоа, за еден текст за да биде комплетен, потребно е наведување на заднински информации, што би ги објасниле главните информации околу судирот на кумановската група со македонската полиција, жртвите, уапсените и материјалната штета.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
нерелевантни,
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не
извртување на вистина (спин)
не може да се утврди
наклонетост
комерцијална пристрасност, друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови