По секоја цена атакувај по Ременски!
Објавено во Рецензии
on 18 - 03 - 2016 Автор: Силвана Жежова
[Рецензија: Ременски кочи отварање на дневни центри за деца и лица со инвалидност]
Во насловот на текстот, министерката за труд и социјална политика, Фросина Ташевска-Ременски, се обвинува дека го сопира отворањето на дневни центри за деца и за лица со инвалидност, без притоа во текстот да бидат наведени факти и докази за тоа. Без понуда на доволно аргументи, се доведува во прашање вистинитоста на тврдењето во насловната конструкција.
Линк до оригиналниот наслов: Ременски кочи отварање на дневни центри за деца и лица со инвалидност
Датум и време на објавување: 16.03.2016
Датум на рецензија: 17.03.2016
Рецензент: Силвана Жежова
ЕДНОСТРАНОСТ
Написот „удира“ на емотивна основа, обидувајќи се да ја прикаже министерката Ташевска-Ременски без чувства за лицата со попреченост. Притоа, се заборава дека ниту еден министер во извршувањето на функцијата не треба да се раководи од чувствата, туку треба да спроведува проекти што ќе ги подобрат секојдневието и живеењето на сите граѓани. Во однос на тврдењето дека минстерката, наводно, влегла во конфликти со Националниот сојуз на слепи лица, не се понудени никакви факти.
„Фросина Ташевска Ременски од СДСМ ќе остане запаметена како технички министер за труд и социјална политика со најмалку чувство за лицата со попреченост. За првпат еден министер од овој ресор влезе во конфликт со Националниот сојуз на слепи лица при што им се закануваше со кривични пријави и судски постапки.“
Понатаму во материјалот, министерката за труд и социјална политика Ташевска-Ременски се посочува за одговорна дека „ги запоставила проектите започнати во периодот пред да биде министер“. Меѓутоа, нема наведени никакви извори на информации кои би се однесувале на работата на ова министерство, а отсуствува и став од повиканата институцијата. По овие пишувања, Министерството за труд и социјална политика појасни дека „се работи за постапка за реновирање и опремување на простории за објект на дневен центар за деца со пречки во развојот во Неготино.“
„Дневниот центар за деца со попреченост во Неготино и дневниот центар за возрасни лица со тешка и најтешка телесна попреченост во Скопје како огромна потреба и долгодишно барање нема да бидат отворени на време поради закочување на процедурите и нивно развлекување.“
ПРИСТРАСНОСТ
Интенцијата на текстот е да прикаже дека до доаѓањето на министерката Ременски на чело на оваа институција, Владата, наводно, спроведувала низа успешни проекти за лицата со попреченост. Иако, можеби, е така, сепак материјалот не нуди ниту еден конкретен пример за успешно спроведен проект.
„Техничката министерка прекинува една долгогодишна пракса на успешни резултати во делот на проектите лицата со попреченост.“
Без да биде побаран одговор од Министерството за труд и социјална политика, но и без посочени релевантни извори кои би сведочеле за работењето на оваа институција, написот пласира паушална информација што натежнува од пристрасност. А тоа го прави со единствена цел – да ја дискредитира работата на министерката Ташевска-Ременски.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
поврзан со тагови