Платите на СЈО магично откриени
Објавено во Рецензии
on 5 - 09 - 2016 Автор: Симона Атанасова[Рецензија: ФОТО: Погледнете колкави плати земаат обвинителите во СЈО]
Како што се зголемува фреквенцијата на лица кои се повикувани на распит или како сведоци во Специјалното јавно обвинителство, така се засилува и негативната кампања на некои медиуми кон оваа институција.
Линк до оригиналниот напис: ФОТО: Погледнете колкави плати земаат обвинителите во СЈО
Датум и време на објавување: 28.08.2016, 19:43
Датум на рецензирање: 04.09.2016
Рецензент: Симона Атанасова
НЕМА ОБЈАСНУВАЊЕ ЗОШТО СЕ ПЛАТИТЕ ТОЛКАВИ
Со овој напис се прави обид да се дискредитира работата на СЈО. Ваквите текстови со сета сила се обидуваат да прикажат дека обвинителите од ова јавно обвинителство не ги заслужуваат парите што ги добиваат. А платите што јавните обивиниели од СЈО ги добиваат се предвидени со Законот за јавно обвинителство за гонење кривични дела поврзани и кои произлегуваат од содржината на незаконското следење на комуникациите и со Законот за изменување и дополнување на законот за јавнообвинителска служба, кои ги изгласаа пратениците на сите политички партии во Соборанието.
Во Законот за јавно обвинителство за гонење кривични дела поврзани и кои произлегуваат од содржината на незаконското следење на комуникациите, категорично стои дека платите на обвинителите во СЈО се слични со платите на обвинителите во Основното јавно обвинителство за гонење организиран криминал и корупција.
XIII. Финансирање и административни средства
Член 14
(2) Платата на јавните обвинители во Јавното обвинителство се определува во висина на платите на јавните обвинители во Основното јавно обинителство за гонење организиран криминал и корупција.
Слична одредба има и во Законот за изменување и дополнување на законот за јавнообвинителска служба, изгласан од пратениците на 31 декември 2015 година, кој се донесе по барање на СЈО.
Плата и надоместоци
Член 120-ј
(3) Вредноста на бодот за пресметување на платите на јавнообвинителските службеници во Јавното обвинителство се утврдува секоја година со одлука на Владата на Република Македонија и истата не може да биде помала од вредноста на бодот утврдена за јавнообвинителските службеници од јавните обвинителства.
Додатоци на плата
Член 120-л
(1) Јавнообвинителскиот службеник има право на додатоците од членот 1 од овој Закон кумулативно во висина до 35% од износот на основната плата.
ИЗВОРОТ НА СПИСОКОТ НЕ Е НАВЕДЕН
Најспорното прашање во овој текст е од каде се овие информации добиени. Во написот нема ниту еден извор на информации, а згора на сè, тој е едностран.
Овие податоци можат да се добијат единствено ако нив одлучи да ги сподели СЈО, Управата за јавни приходи или Фондот за пензиско и инвалидско осигурување. Но, во текстот не е назначено од каде се добиени, што остава голем простор тие и да не се точни, односно да се измислени.
Текстот е посиромашен и за изјава од Специјалното јавно обвинителство, во која оттаму би ги потврдиле изнесените наводи доколку се вистинити или би ги демантирале доколку се невистинити.
На овој начин грубо се прекршува член 1 од Кодексот на новинари кој предвидува дека новинарот треба да објавува точни, проверени информации и нема да прикрива суштински податоци и да фалсификува документи.
Целта на овој текст е да се дефокусира јавноста од работата на Специјалното јавно обвинителство и постапките што ги води и да се изгради негативна кампања за работата на оваа институција.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
не може да се утврди
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема контекстуални линкови
делумно стилски уреден
неповрзан со тагови