Пцости и простотилак наместо промоција на текст
Објавено во Рецензии
on 13 - 09 - 2016 Автор: Димитар Тануров
Објавата што ја рецензираме претставува збирштина од пцости и од вулгарности која во ниту еден момент не може да се нарече новинарски напис. Ваквата објава не е соодветна ниту за социјалните мрежи, а не, пак, за блог или за медиум.
Линк до оригиналниот напис: (ФОТО) ПИЧКА ВИ МАТЕРИНА НЕНОРМАЛНА – Свети Николчани не дочекаа богот Никола да им го направи мостот! НЕМАЛО ПАРИ?!?! А ИМА ЗА ТРКАЛО И РАЈСКА ГРАДИНА СО МАЈМУНИ, МАЈМУНИ ДА ВЕ ЕБАТ У УСТА!
Датум и време на објавување: 07.09.2016 04:22:21 часот
Датум на рецензирање: 13. 09. 2016
Рецензент: Димитар Тануров
Километарскиот таканаречен наслов претставува коментар и одраз на простотилак, а не на новинарски производ. Дури и да станува збор за белешка, коментар или слично, недозволиво е да се користи ваков речник.
Објавата, според замислата, би требало да претставува промоција на приказната на граѓанската организација „Цивил“, која претходно е објавена на веб-страницата, а во написот е линкувана.
Главата, односно првиот пасус, претставува пофалба за граѓанската сторија. Во неа се дава кратка најава за проблематиката на сторијата на граѓанската организација.
Во следниот пасус се наведува на што се трошат државните пари и се коментира дека не се одвојуваат средства за суштинскиот проблем на жителите на населбата Ливадиште.
Таканаречениот крај на објавата претставува изразување револт преку пцости, што е спротивно на професионалните новинарски стандарди и на Кодексот на новинари, при што се прекршени неколку члена:
Член 10
Новинарот нема свесно да создава ниту да преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и дискриминација по која било основа.
Член 13
Новинарот треба да прави разлика меѓу фактите и мислењата, меѓу веста и коментарот.
Член 15
Новинарот мора да ја негува културата на говорот и етиката. Неспојлива со новинарската професија е непримерната комуникација со јавноста.
Член 16
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
1 извор
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, наведен извор со линк
КВАЛИТЕТ НА НАСЛОВОТ
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
политичка дискриминација
УРЕДЕН ЗА ВЕБ
средно читлив
не апликативно
има контекстуални линкови
делумно стилски уреден