„Отворена сезона“ за лов на правници
Објавено во Рецензии
on 7 - 06 - 2016 Автор: Владимир Мирчески[Рецензија: Опозициските „експерти“ Тортевски и Шкариќ на платниот список на СЈО]
Тенеднциозно валкање на стручноста и на експертизата на двајца правници. Зошто? Затоа што некому не му се допаѓале нивните ставови за работата на Специјалното јавно обвинителство, како и нивните позиции за актуелната криза со прислушувањето и со аболицијата во нејзниот центар. Материјалот многу наликува на „нарачка за медиумски отстрел“.
Линк до оригиналниот напис: Опозициските „експерти“ Тортевски и Шкариќ на платниот список на СЈО
Датум и време на објавување: 03.06.2016 12:21
Датум на рецензирање: 06.06.2016
Рецензент: Владимир Мирчески
ХРАБРОСТ ИЛИ ЛУДОСТ
Треба многу храброст, лудост или елементарно непознавање на правото и на состојбата поврзана со него во земјава, за под знак прашалник да ја доведувате стручноста на еден Светомир Шкариќ и Александар Тортевски. Само неколку факти за Шкариќ: повеќе од 30 години професор на Правниот факултет, еден од најголемите авторитети по уставно право, член на неколку комисии за уставни прашања. Тортевски, пак, освен што зад себе има децениска работа како адвокат, познат е и како еден од позначјаните активисти во формирањето на плуралистичката политичка сцена во Македонија и еден од првите луѓе на некогашната Лига за демократија, човек кој од 1991 година е дел од општествените настани во земјава. Значи, двајцата имаат, сакал некој тоа да го признае или не, „илајдници километри“ истрчани во правото, луѓе кои ја познаваат материјата. Оттука, изненадува од каде „наводници“ во насловната конструкција и со што се спори нивната експертиза:
„Опозициските „експерти“ Тортевски и Шкариќ на платниот список на СЈО“.
Епицентарот на проблемот е што нивните позиции не конвергираат со оние на одредени политички кругови во власта и, најверојатно, затоа е изнедрен овој текст и уште дузина други, кој треба ем ним да им наштети во делот на нивната експертиза, ем Специјалното обвинителство да се претстави како продолжена рака на опозицијата, ем да се дискредитира работата на СЈО.
„Двајцата наводни експерти кои во јавноста преку медиумите ги бранеа ставовите на опозицијата и СЈО, Светомир Шкариќ и адвокатот Александар Тортевски, се платени токму од Катица Јанева“.
Да разјасниме, Шкариќ и Тортевски се, независно кој што мисли за нив, според сработеното и покажаното, експерти, а не наводни експерти…
ОДМАЗНИЧКО ЧЕТИВО
Понатаму, упорно се пласира тезата дека опозицијата и СЈО безмалку се исто. Тврдењето е неаргументирано и наликува на партиски мотивирано, зашто оваа институција отвори постапки за низа функционери од владејачката партија која речиси 10 години „тресе“ во Македонија и чии членови раководат со државните институции што остава отворена можност за појава на корупција и на криминал. Значи, текст вратка и на СЈО за досегашната работа и на двајцата правници зашто се на другата страна од линијата. Навистина, вулгаризирање е да кажеш дека Јанева ги плаќа Шкариќ и Тортевски за нивниот ангажман, зашто Јанева располага со буџет како и која било друга државна институција, кој доаѓа од џебот на граѓаните.
Исто така, боде очи непрецизноста на текстот. Ако обвинителката Ристоска не е во целост сигурна дали двајцата споменати се ангажирани од СЈО, тогаш зошто таа нејасност се пренесува и во написот – од една страна се тврди дека се на платниот список, од друга се нема целосна конфирмација од надлежниот орган, а помеѓу нема никакво истражување и дополнителна проверка на фактите за да се каже се или не се ангажирани во СЈО.
Сè на сè, ова е одмазничко четиво, кое строго таргетира „неподобни“ личности и институции, со намера да напакости, кое содржи многу политички, а малку информативни обележја.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
2 извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден
поврзан со тагови