verifikimiifakteve.mksitemap
verifikimiifakteve.mksitemap

Од лапсусот не се гледа веста

on 4 - 10 - 2016       

telegraf

[ШТО МУ Е ПРВО НА УМ НА ЗАЕВ: Другарки и другари, пред да го излажам… (ВИДЕО)]

 

Извештајот односно проширената информација од некој настан е форма на новинарско изразување кое се заснова на правилно презентирање на клучните факти и детали од настанот, за јавноста да стекне што е можно попрецизна слика што навистина се случувало и тој не остава простор за толкување, коментирање или пласирање на лични ставови и согледувања на новинарот – репортер. Но, овој извештај од работата на Конгресот на Социјалдемократскиот сојуз на Македонија не ги запазува основните новинарски правила и на читателите им го нуди она што сака – а тоа е првенствено да пренесе порака до читателите во која ќе го исмее, оцрни и омаловажи претседателот на Социјалдемократскиот сојуз, Зоран Заев.

Рецензија: Згрешената буква поважна од вистинатаЛинк до оригиналниот напис: ШТО МУ Е ПРВО НА УМ НА ЗАЕВ: Другарки и другари, пред да го излажам… (ВИДЕО)

Датум и време на објавување: 2.10.2016, 18:55

Датум на рецензирање: 3.10.2016

Рецензент: Југослава Дуковска

 

Информацијата требаше да ги содржи најважните факти од настанот- 20 тиот Конгрес на СДСМ, кој се одржа на 2 октомври во Скопје, според принципот на приоритет – поважните погоре, помалку важните подолу во текстот, но во извештајот кој е предмет на оваа анализа направена е проценка дека најважниот детал од Конгресот, на кој беше презентирана предизборната програма на оваа опозициска партија и на кој свое обраќање имаше и лидерот Заев, беше лапсусот на Заев на самиот почеток на обраќањето!

 

 ЗГРЕШЕНАТА БУКВА ПОВАЖНА ОД ВИСТИНАТА

Според ниеден новинарски критериум за пишување на информација овој детал не би бил исфрлен во главата на извештајот, значи на самиот почеток на текстот, каде секогаш се сместуваат најважните поенти или случувања од настанот кој се следи, а уште помалку од него би се вадел насловот. Но, изгледа дека новинарските правила не биле пресудни во пишувањето на овој текст. Како поинаку да се протолкува ваква глава на вест:

Другарки и другари, пред да го излажам нашиот план…, беа зборовите со кои на почетокот од својот говор им се обрати Зоран Заев на присутните на денешниот 20. Конгрес на Социјал демократскиот сојуз, кој се одржа во хотелот „Александар Палас“ во Скопје. Овој навидум ситен лапсуз, на социјалните мрежи беше протолкуван како одраз на вистинските намери на опозицискиот лидер кој денеска ја презеНтираше новата изборна програма на СДСМ, именувана „План за Македонија“.

На снимката од обраќањето на Заев, која е вметната во информацијата јасно се слуша лапсусот и тоа дека тој се поправа уште во наредната секунда, но тоа не е доволно за овој новинарски текст да го испочитува како ненамерна грешка на говорникот, туку од неа го гради костурот на написот. Затоа, наместо на пораките од Конгресот на најголемата опозициска пратија во државата во пресрет на вонредните парламентарни избори, написот се фокусира на лапсусот, односно згрешената буква во воведната поздравна реченица на лидерот на СДСМ.

Партијата СДСМ во годините на своето владеење, според толкувањето на политичките аналитичари, стана синоним за демагогија, односно многу ветувања и малку реализирани програми за општествен развој. Дали и овој лапсуз на Заев е само навестување за уште една таква демагогија, останува да се види со следниот период кога засилено ќе почнат активностите околу изборната трка која треба да финишира на 11 декември.

Овие две реченици јасно говорат што точно не е во ред со овој напис – тој се бави со толкувања и политички квалификации, а не со факти. Иако, тој божем се повикува на некакви неименувани политички аналитичари како извори за ваквите тврдења, тоа звучи како алиби за непрофесионалната постапка, а не коректно цитирање на некакви извори. Читателот треба на „жими мајка“ да му поверува на авторот, дека тоа што го тврдат некакви „политички аналитичари“ за „синонимот на демагогијата“ е поважно од она што на своите сопартијци, но пред сè на македонската јавност, има да им го соопшти лидерот на македонската опозиција во еден важан политички момент за Македонија.

 

НА ТУЃАТА ГРЕШКА СЕ ПОТСМЕВА, НЕГОВАТА „БОДЕ ОЧИ“

По оваа воведна епизода, обоена со политичка пропаганда, извештајот горе-доле коректно пренесува неколку важни поенти од говорот на Заев и други информации од самиот Конгрес на СДСМ, но впечатокот е веќе направен – пред нас гледаме политички спин, а не новинарски текст наменет да информира, точно и непристрасно.

На крајот треба да се потсети и на важноста од лекторирање на новинарските написи за да не се случи, како во овој текст, и во насловот и во „поентата“ во главата на информација да „боде очи“ погрешно напишаниот збор „лапсуз“ наместо „лапсус“. Па, брзајќи да го исмее и да му одржи лекција на Заев за погрешна буква, овој напис  ја прави токму истата грешка.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

веродостојни наводи

infoVistinitostИЗВОРИ НА ИНФОРМАЦИИ

има евидентирани извори

официјални, неофицијални

релевантни, нерелевантни

повеќе извори

повеќестрани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

наведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

солидни мултимедијални елементи

има контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести