Од кога висината на платата е јавен податок?
Објавено во Рецензии
on 5 - 05 - 2016 Автор: Владо Ѓорчев[Рецензија: Ја обвинуваат Владата за тортура, а земаат двојно зголемени плати (ФОТО)]
Текстот се расфрла со бројки за висината на платите на уметниците што протестираа пред Министерството за култура, незадоволни што оваа институција покажува игнорантски однос кон независните синдикати на Република Македонија. Написот спинува, ги поврзува уметниците со СДСМ и тврди дека протестирале барајќи поголеми плати, што не е вистина.
Линк до оригиналниот напис: Ја обвинуваат Владата за тортура, а земаат двојно зголемени плати (ФОТО)
Датум и време на објавување: 26.04.2016, 12:44
Датум на рецензирање: 28.04.2016
Рецензент: Владо Ѓорчев
ПОЛИТИЧКИ ОБОЕНА СОДРЖИНА
Иако спинува за причината за протестотот, текстот заборава дека висината на платата е деловна тајна. Напротив, написот оди уште подлабоко и, наводно, „истражува“ кој уметник колкава плата зема. Се поставува прашањето кој ги дал информациите за висината на личните примања на уметниците? Ако изворот на податоците е институцијата каде што работат посочените, дали таа со ваквата постапка прави некаков прекршок? И дали треба тоа да се санкционира? На овие прашања текстот не нуди одговор.
Големата грешка што ја прави написот е тврдењето дека уметниците немаат потреба да протестираат поради тоа што сега, за разлика од 2006 година, земаат многу повисоки плата. Тезата што ја турка оваа објва е: „Оваа власт ги покачи платите, а тие како ѝ враќаат!“ Тоа што авторот на текстот треба да го знае е дека барањето за поголеми права нема врска со висината на платата. Уметниците се и зоон политикон (политички суштества, Аристотел.н.з.), што подразбира дека учествуваат во општествените процеси и не можат да ги игнорираат. Така што, ваквата споредба со плати и со барања за повисоки цели е неиздржана и неумесна.
Не помалку проблематично е и тоа што во написот се наведуваат конкретни имиња, без да се побара изјава од личностите што се споменуваат. Манирот во кој е напишан текстот не оддава чувство дека е сторен напор за такво нешто.
Фотографиите, пак, што се користат не се од настанот што се обработува, туку од други случувања или од „Фејсбук“, со што, исто така, се прави манипулација.
Гледано во целина, материјалот што е предмет на рецензија е непрофесионалено сработен и заслужува негативна оценка. Оваа политички обоена содржина може да добие аплауз единствено од структурите на власта.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови