Оцрнување на Шекеринска со подгревање на старата „манџа“
Објавено во Рецензии
on 18 - 02 - 2016 Автор: Владо Ѓорчев[Заминаа ли Шекеринска и сопругот од Македонија?]
Tекстoт се пресметува со опозициската политичарка преку нејзиниот сопруг и тоа за наводна кривична пријава од пред неколку години. Инаку, написот, најверојатно, е враќање „мило за драго“ за текстовите што се објавуваа дента кога поранешниот министер за транспорт и врски, Миле Јанакиески, беше на распит во Основниот суд Скопје 1(12 февруари 2016 година). Тогаш некои медиуми шпекулираа за тоа каде е поранешната министерка за внатрешни работи, Гордана Јанкулоска, откако еден „портал“ излезе со наслов: „ЈАНКУЛОВСКА ВО ДИПЛОМАТСКА ПОСЕТА НА ИТАЛИЈА“.
Сепак, новинарството не е професија за враќање „долгови“, туку треба точно и вистинито да ја информира јавноста. Па, гледано во тој контекст, треба да се каже дека споменатиот „портал“ го нема на ниту еден агрегатор на вести и повеќе наликува на блог, така што, тој не смее да се земе за релевантен извор. Ниту, пак, треба неговиот начин на пишување и пласирање на текстовите да го копираат други медиуми, кои претендираат да бидат професионални, како што е направено во материјалот што е предмет на нашата рецензија.
Линк на оригиналниот напис: Заминаа ли Шекеринска и сопругот од Македонија?
Датум и време на објавување: 15.02.2016, 17:27
Датум на рецензирање: 16.02.2016
Рецензент: Владо Ѓорчев
ПРОШИРЕНА И НАДГРАДЕНА АФЕРА
Меѓу личностите од опозицијата што се почесто на удар на медиумите наклонети на власта, е и заменичката-претседател на Социјалдемократскиот сојуз, Радмила Шекеринска. За таа цел, овојпат е искористена една бајата, па подгреана афера, а се однесува за наводна злоупотреба на сопругот на Шекеринска (од позиција директор на една фирма).
Аферата со кириите, сега „проширена и надградена“ и со, наводно, неплаќање данок, е само шлагворт во овој политичко-пропаганден текст, чија единствена намера е напад врз личноста на Шекеринска и нејзино оцрнување пред јавноста. Во прашање е добро осмислен атак, базиран на приватниот живот на политичарката и на нејзиното семејство, за да ѝ се наштети на нејзината репутација.
Уште во насловот, како и на самиот почеток на текстот, само навидум се поставува една дилема, која, всушност, е констатација:
„Заминаа ли од Македонија Радмила Шекеринска и нејзиниот сопруг Божидар Јанковски?“
Веднаш во наредната реченица, пак, се тврди дека:
„По големиот скандал, заменичката на Заев и Бобо-Дајнерс доцна попладнево побрзале да најдат начин и помош како да се справат со кривичното гонење.“
Притоа, се игнорираат демантите од СДСМ во кои стои:
„За да го покријат скандалот дека целиот Извршен комитет на ВМРО-ДПМНЕ бил вклучен во злосторничко здружување, власта во заминување, преку медиумските курири, мора да измислува нови напади со стари манипулации.
Ниту има скандал ниту има случај. Текстовите на медиумските курири поврзани со заменик претседателката на СДСМ, Радмила Шекеринска се чиста лага!
Документот во прилог, од Основното јавно обвинителство Скопје, потврдува дека овој измислен, креиран случај на ВМРО-ДПМНЕ издиша како дупнат балон уште во 2014 година!
„Не постои основано сомнение дека било извршено кривично дело“, јасно наведува Основното јавно обинителство после целосни увиди на Упрвата за финансиска полиција.“
Инаку, иако написот на прв поглед нуди бројни „факти“, всушност, е крајно несеопфатен бидејќи ја дава само верзијата која е во прилог на партијата на власт (ВМРО-ДПМНЕ). Лајтмотив на целата објава е дискредитација на Шекеринска како политичар, а нејзиниот сопруг, практично, е „колатерална штета“ во скандалот, за кој СДСМ тврди дека е креиран од владејачката партија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
поврзан со тагови