Обоен во бојата на владејачката партија
Објавено во Рецензии
on 18 - 05 - 2016 Автор: Владо Ѓорчев[Рецензија: УМС на ВМРО-ДПМНЕ го „обои“ споменикот на СДСМ „Свиткана кичма“]
Новинарството не признава паушални и половични информации. Написите, покрај елементите што треба да ги имаат во занаетска смисла, мора да бидат вистинити, содржајни и објективни.
Во текстот што го рецензираме недостига втората страна, тој селективно ги прикажува работите, нагласувајќи ги притоа само оние кои се линија на владејачката партија. А ваквиот пристап го прави ова четиво неверодостојно и непрофесионално.
Линк на оригиналниот напис: УМС на ВМРО-ДПМНЕ го “обои“ споменикот на СДСМ „Свиткана кичма“
Датум и време на објавување: 12.05.2016, 18:43
Датум на рецензирање: 16.05.2016
Рецензент: Владо Ѓорчев
ИМА ЗА КОНТРАБОЕЊЕТО – НЕМА ЗА БОЕЊЕТО
„Младината на владејачката партија и денес во знак на револт поради насилничкото однесување на хулиганите од СДСМ, организираше „Боење во чест на шарената револуција“.“
Уште на почетокот написот влегува со неоснована генерализација дека токму СДСМ се одговорни за однесувањето на демонстрантите (кои ги нарекува со погрдни имиња). За ваквите тврдења не се нуди ниту еден конкретен доказ.
Текстот кажува дека :
„По вчерашната промоција на споменикот „Едно евро за Вицето“ денес УМС на ВМРО-ДПМНЕ продолжи со како што велат, промоција на спомениците изградени од СДСМ во периодот на нивното владеење“.
Но, нејасно е од што се испровоцирани ваквите постапки. Оваа објава воопшто не споменува од каде е идејата за боење на портретите. Не кажува дека настанот, всушност, е копија (ама лоша) на начинот на изразување на револтот на демонстрантите од „Шарената револуција“, чиј организатор е здружението „Протестирам“.
Ако се информира за контрабоењето, по редот на нештата, логично е барем фактографски да се каже од кога траaт протестите против аболицијата, колку и кои личности се аболирани, кои се учесниците во протестите, како го манифестираат незадоволството… А, можело да се направи и паралела на двата настана…
Сето тоа го прави овој напис несодржаен и необјективен. Според манирот во кој е напишан и пласиран, тој нема некоја допирна точка со новинарството и многу повеќе наликува на пропагандистичко четиво обоено во бојата на владејачката партија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови