Новинарството не е алхемија
Објавено во Рецензии
on 28 - 06 - 2016 Автор: Зоран Бојаровски
[Рецензија: Османлиските архиви докажаа: Македонија никогаш не била грчка!]
Новинарите не мора да знаат сѐ и сешто. Најважно е да бараат на вистинските места, а кога ќе најдат индиции, факти, документи, приказни… што било што во себе содржи некоја интригантна информација, таа информација треба да се претвори во медиумски вредна содржина. Значи, не е секоја информација со потенцијал да биде вест, да биде медиумски вредна содржина.
Дури и кога ќе наиде на таква информација, новинарот треба да ја совлада сопствената суета и да побара мислење од некој експерт, познавач, кој ќе му потврди дека информацијата може да метаморофозира во вест. И уште повеќе, во атрактивна, релевантна вест која е од интерес за медиумската публика.
Кога новинарите немаат таква информација, што и да прават, во неа секогаш ќе остане нешто „предавничко“.
Линк до оригиналниот напис: Османлиските архиви докажаа: Македонија никогаш не била грчка!
Датум и време на објавување: 23.06.2016, 14:40
Датум на рецензирање: 27.06.2016
Рецензент: Зоран Бојаровски
„ПАТРИОТСКИ“ НАСЛОВ
Така е и со збирот од информации што „сака да биде“ медиумска содржина и што ние ја рецензираме.
Насловот е силен, „патриотски“, интригантен. Секогаш продава.
Но, уште во поднасловот веднаш се соочувате со нешто што збунува. Еве го поднасловот во целина:
„Архивите на Турција како наследничката на Отоманската Империја располагаат со преголема документација за историската вистина и за Македонија и за Грција. Кај нас тие датотеки речиси воопшто и не се истражуваат. Не располагавме ниту создававме кадар кој знае турски, воопшто пак да чита турски со арапско писмо, пред воведувањето на латиницата“.
Овој цитат, изјава, што ли е, е во прво лице. Личи на изјава. Но, го нема тој што изјавува. Кој го кажува тоа? Дали е тоа точно? Дали може да биде потврдено? Дали можеме да му веруваме?
Многу прашања, а ниту еден одговор. А, и прашањата и одговорите треба да го обезбеди новинарот.
Потоа, текстот на оваа тема продолжува со силни изјави како геноцид, голгота, егзодус, прогонство… Но, нема авторитет, експерт, позанавач, историчар… кој ќе го потврди тоа, кој ќе го објасни и кој ќе го стави во контекст.
Едноставно, не може да се потврди веродостојноста.
На крајот на оваа неизделкана информација останува чувството на залудно потрошено време и чувството на измаменост дури по атрактивниот наслов.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
Делумно
неофицијални
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови