Новинарството како средство за расчистување политички есапи
Објавено во Рецензии
on 30 - 12 - 2016 Автор: Ferikan Iljazi
Напис: Лоша вест за Aлбанците, добра за ВМРО: ДУИ привремено зема две важни позиции
Утре ДИК ќе ги објави конечните резултати од предвремените парламентарни избори, а во 14 часот официјални претставници ќе ги земат и уверенијата за пратеници.
Бидејќи изборите и официјално ќе се прогласат за завршени, министрите од СДСМ ќе бидат разрешени од нивната позиција, а на нивно место ќе се постават замениците министри.
Потоа почнува составувањето на Собранието кое ќе го води Бранко Манојловски до избирање на новиот спикер.
На местото на Оливер Спасовки во МВР ќе седне заменикот Агим Нухиу, додека во Министерството за труд ќе седне Ибрахим Ибрахими од партијата на Амди Бајрам.
Имајќи предвид дека Албанците обично имаат поголеми проблеми со ресорите што ги раководи ДУИ, ова не е некоја многу радосна вест за нас. Нема потреба да ги спомнеме проблемите на Албанците во образованието, судството, полицијата, ресори што постојано се раководат од министри или заменици од ДУИ.
Имајќи ја предвид верноста што веќе осум години ДУИ ја покажува за ВМРО-ДПМНЕ, привременото добивање на две важни функции од функционери на ДУИ, секако дека претставува добра вест за партијата на Груевски и за нејзиното членство.
[Рецензија: Лоша вест за Албанците, добра за ВМРО: ДУИ привремено зема две важни позиции]
Текстот што го рецензираме претставува една комбинација од информации и од коментари, без воопшто да се направи јасна поделба меѓу нив. Текстот почнува со технички и со процедурални информации за доделувањето на уверенијата за новите пратеници и за смената на министрите во неколку ресори. Меѓутоа, во продолжение, веста се претвора во нешто сосема друго.
Линк до оригиналниот напис: Лоша вест за Албанците, добра за ВМРО: ДУИ привремено зема две важни позиции
Датум и време на објавување: 27.12.2016
Датум на рецензирање: 28.12.2016
Рецензент: Ферикан Илјази
По првите редови, вториот дел на текстот е целосно тенденциозен и содржи класични коментари, што не треба да бидат дел од еден информативен напис.
„Имајќи предвид дека Албанците обично имаат поголеми проблеми со ресорите што ги раководи ДУИ, ова не е некоја многу радосна вест за нас. Нема потреба да ги спомнеме проблемите на Албанците во образованието, судството, полицијата, ресори што постојано се раководат од министри или заменици од ДУИ“.
Како што се гледа, ова е еден тенденциозен пасус со коментари, зад кои немало ни најмал обид да се поткрепи со некој доказ или да се даде аргументирана основа. Таквите коментари продолжуваат и во другиот пасус.
„Имајќи ја предвид верноста што веќе осум години ДУИ ја покажува за ВМРО-ДПМНЕ, привременото добивање на две важни функции од функционери на ДУИ, секако дека претставува добра вест за партијата на Груевски и за нејзиното членство“.
Во овој дел од текстот се забележува и тенденција за дискредитација на една политичка партија, но само врз основа на коментари, а не наведувајќи аргументи и мислења од релевантни соговорници. Со ова, се прекршуваат најмалку два члена од Кодексот за етика на новинарите, кои наметнуваат јасна поделба меѓу авторските коментари од фактите, информациите и од вестите.
- Новинарите имаат право на свое мислење, став и проценка, но не смеат да ги камуфлираат нивните мислења како да се факти.
- Треба да биде јасно поделено кои се факти, а кои информации, и кои се коментари, хипотези или ставови на авторот за да се избегне дезинформација и манипулација со јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
и точни и неточни
делумно
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски уреден
поврзан со тагови