Новинарските стандарди не се луксуз, туку обврска
Објавено во Рецензии
on 16 - 06 - 2016 Автор: Ferikan Iljazi
Напис: Претераниот луксуз на Заев, базен во дневната соба и скапи автомобили!
Струмица, 4 јуни – Фотографиите што сега ги прикажуваме се од семејството на Зоран Заев што се поставени на „Инстаграм“ токму од неговата ќерка, која изгледа ужива статус на едно разгалено дете до тој степен што не секое дете може да го има, а од фотографиите можеме да видиме и дека тие живеат еден мултимилионерски живот, известува „Нетпрес“, пренесува „Журнал“.
Вилата во која живеат во Струмица има базен во спалната соба, скап мебел и многу луксузни автомобили. Но, овој луксуз го има целото пошироко семејство на Заев, кои возат коли од „порше“ до „бмв“ и живеат во многу скапи вили и апартмани, пренесува понатаму „Журнал“.
[Рецензија: Претераниот луксуз на Заев, базен во дневната соба и скапи автомобили!]
Практиката на позајмување текстови од порталите на македонски јазик блиски до власта и нивен превод само колку да се пополнат интернет-страните, не е добра за новинарството. Само го прави евтино. Кога веста не е вест, цената и вредноста на новинарството паѓа. И за таа да биде таква, треба да се придржува до стандардите на информативното новинарство, кои за медиумите не се луксуз, туку обврска.
Линк до оригиналниот напис: Претераниот луксуз на Заев, базен во дневната соба и скапи автомобили!
Датум и време на објавување: 04.06.2016, 12:53
Датум на рецензирање: 08.06.2016
Рецензент: Ферикан Илјази
Авторот зел како основа само неколку фотографии на социјалната мрежа „Инстаграм“ како доказ за наводно вртоглавиот имот на лидерот на опозицијата Зоран Заев. Ниту се обидел да побара службени регистри за неговиот имот, ниту побарал став од Заев, ниту, пак, побарал став од Државната комисија за спречување на корупцијата. Видел само неколку фотографии и ја почнал веста со слаба креативност, полна со етикетирања и со коментари.
„Фотографиите што сега ги прикажуваме се од семејството на Зоран Заев што се поставени на „Инстаграм“ токму од неговата ќерка, која изгледа дека ужива статус на едно разгалено дете до тој степен што не секое дете може да го има, а од фотографиите можеме да видиме и дека тие живеат еден мултимилионерски живот, известува „Нетпрес“…“
Да претпоставиме дека овој факт има основа. Заев е многу богат, но треба да се земе предвид дека и пред да стане политички функционер, тој и неговото семејство биле богати и управувале големи бизниси. Тоа што е важно за јавниот интерес е дали некој дел од овој имот е стекнат преку злоупотреба на функцијата? За жал, содржината не навлегува воопшто во таква анализа, туку само прави еден попис и опис на имотот на ова семејство.
„Вилата во која живеат во Струмица има базен во спалната соба, скап мебел и многу луксузни автомобили. Но, овој луксуз го има целото пошироко семејство на Заев кои возат коли од „порше“ до „бмв“ и живеат во многу скапи вили и апартмани…“
Бидејќи станува збор за јавен функционер, легитимно е да се пишува доколку постојат сомнежи за злоупотреба на народните пари. Ова можело да се направи со што текстот би добил професионална боја, наместо ваквата содржина која е соодветна за рубриките за озборувања и за жолтиот печат. За содржината да има и тежина, не треба да се одбере пократкиот пат за да се дојде до поголем број на кликнувања.
Кодексот на новинарите на ЗНМ налага:
- Новинарот треба да објави вистинити и потврдени информации и нема да прикрие суштински податоци или да фалсификува документи.
- Доколку информацијата не може да се потврди или станува збор за претпоставка, односно шпекулација, ова треба да се напомене и да се објави.
- Точноста на информацијата треба да се потврди колку што е можно.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
СЕОПФАТНОСТ
несеопфатнo
Ги искривува податоците
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
наведен автор(извор)
ГОВОР НА ОМРАЗА
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови