Напис – Скандалозно/ Министерот за образование, Пиштар Лутфиу, „неписмен“: Касарната (алб. Казерма) ја нарекува на словенски „касарна“

Пиштар Лутфиу, еден непознат кадар што веќе неколку месеци ја врши функцијата министер за образование и наука, покажува колкаво е неговото интелектуално ниво и неговата професионална подготвеност за да го води ова клучно министерство. Ова го покажува и неговиот речник каде тој касарната (алб. казерма) ја нарекува „касарна“ што е словенски збор, известува ИНА.

„На Универзитетот „Мајка Тереза“ му е доделена земја кај касарната „Илинден“. Во тек е подготовка на планот и со буџетот од 2017 година верувам дека ќе почнат и градежните работи за овој објект кај касарната“, рече тој денеска за време на откривањето на плановите за Универзитетот „Мајка Тереза“. (ИНА)

[Рецензија – Скандалозно/ Министерот за образование, Пиштар Лутфиу, „неписмен“: Касарната (алб. Казерма) ја нарекува на словенски „касарна““]

Новинарите се и треба да останат коректори на власта. Меѓутоа, ова не подразбира дека тие имаат право на квалификации и на понижување на една личност, бил тој со јавна функција или, пак, обичен граѓанин. Секогаш треба да функционира острото око за да се фатат нештата од соодветниот агол, но никогаш не треба да се интервенира во содржини со оценувања и со емоции.

Текстот што го рецензираме е квалификуван како скандал од страна новинарот, а не од јавноста, познавачите на политичките прашања или опозицијата. Освен тоа, од насловот па сè до воведниот дел и до изјавата, редовите на написот содржат навредливи и понижувачки зборови за министерот Лутфиу.

„Новинарот ќе го зачува престижот и достоинството на неговата професија, ќе поттикне меѓусебна солидарност и плурализам на мислењата и нема да го искористи неговиот медиум за расчистување сметки со разни личности вклучувајќи ги и неговите колеги“.

„Пиштар Лутфиу, еден непознат кадар што веќе неколку месеци ја врши функцијата министер за образование и наука, покажува колкаво е неговото интелектуално ниво и неговата професионална подготвеност за да го води ова клучно министерство. Ова го покажува и неговиот речник каде тој касарната (алб. казерма) ја нарекува „касарна“ што е словенски збор, известува ИНА.

Насловот го квалификува министерот како неписмен, статус што подразбира човек што не знае да пишува и да чита. Во овој случај, авторот направил прекршување на новинарската етика и начела. Не треба да се заборави дека авторот или новинарот секогаш треба да го негува говорот на етиката и треба да сноси одговорност за јавно кажаниот збор. Исто така, новинарот го нарекува министерот за образование „непознат кадар“, информација што воопшто не е потребна, бидејќи именувањето на функционерите е прашање од јавен интерес, како и внатрепартиска политика, кое може и да се анализира, но преку извори и факти, а не преку коментари.

„Новинарите треба да прават разлика меѓу фактите и мислењата, меѓу веста и коментарите”.

Линк до оригиналниот напис: „Скандалозно/ Министерот за образование, Пиштар Лутфиу „неписмен“: Касарната (алб. Казерма) ја нарекува на словенски „касарна“”
Датум и време на објавување: 18.08.2016

Датум на рецензирање: 20.08.2016

Рецензент: Адриан Керими

За да ја направи оваа вест, авторот имал можност да го праша директно министерот за образование и наука, како се преведува на албански јазик зборот „касарна“. Меѓутоа, фактот што на крајот од веста е прикачен видеозапис со лого од друг медиум, докажува дека авторот воопшто не бил во местото на настанот.

„На Универзитетот „Мајка Тереза“ му е доделена земја кај касарната „Илинден“. Во тек е подготовка на планот и со буџетот од 2017 година верувам дека ќе почнат и градежните работи за овој објект кај касарната“, рече тој денеска, за време на откривањето на плановите за Универзитетот „Мајка Тереза“.

Текстот, освен што не е структуриран, провоцира понижување и се меша во работи што не му припаѓаат на новинарот и не се од јавен интерес. Неправедно и спротивно на етичкиот кодекс е да се каже дека министерот зборува „словенски“. Во вакви случаи треба да се специфицира и да се каже дека министерот зборот „касарна“ го кажува на македонски или на службен јазик. Содржината можела да биде уште пообјективна но, во исто време, и попровоцирачка, бидејќи еден таков гаф од министерот може да се преврти и да се употреби од медиумите на различни начини, но не и оценувајќи го  неговиот гаф така како што е направено во текстот.