Новинарот треба да информира, а не да глуми адвокат
Објавено во Рецензии
on 22 - 08 - 2016 Автор: Ана Анастасовска
[Рецензија: СЈО без аргументи зошто Талески треба да остане во притвор]
Овој едностран и тенденциозен текст има цел да го обели образот на битолскиот градоначалник Владимир Талевски, против кого Специјалното јавно обвинителство има поведено предмет за бесплатниот школски превоз во општината со која раководи.
Линк на оригиналниот напис: СЈО без аргументи зошто Талески треба да остане во притвор
Датум и време на објавување: 18.08.2016
Датум на рецензирање: 19.08.2016
Рецензент: Ана Анастасовска
А КАДЕ Е СТАВОТ НА ОБВИНИТЕЛИТЕ
Ваквата тенденција на написот се гледа уште на самиот почеток од текстот.
„Во Советот на скопска Апелација денес се одржа седница на која се расправаше по жалбата на одбраната на градоначалникот на Битола Владимир Талески да му биде укинат домашниот притвор. СЈО и денес повторно без архументи бараше продолжување на мерката“.
На читателот прво му се дава информација дека во скопскиот Апелациски суд се одржала седница на која се расправало по жалбата на одбраната на Талевски за домашниот притвор и веднаш потоа се напаѓа СЈО дека настапило без аргументи. Но, ваквото трвдење подолу во написот со ништо не е поткрепено.
„Одбраната на Талески потенцираше дека во изминатите 60 дена Специјалното јавно обвинителство не презело ниту едно истражно дејствие, откако тој е во домашен притвор. Сите дејствија СЈО ги има преземено претходно, а периодов надлежните обвинители си ги користат годишните одмори“.
Во написот има став само од одбраната на Талевски, но нема ниту една изјава од обвинителите. Нема наведено ништо од она со што тие настапиле.
„Специјалното јавно обвинителство и денес без аргументи бараше на Талески да не му се укинува притворот. Обвинителот Трајче Пеливанов не изнесе ниту еден контрааргумент на образоложението на одбраната што повторно јасно покажува дека сето ова е уште една политички мотивирана активност на Специјалното јавно обвинителство“.
Кој го констатира тоа дека обвинителот Трајче Пеливанов не изнел ниту еден контрааргумент на образложението на одбраната? Ова, очигледно, е самостојно толкување во написот, што во професионалното новинарство е недозволиво. Потребно е, покрај аргументите на одбраната, да се пренесат и оние на обвинителството, а потоа читателот сам ќе процени чии искази се поиздржани. Вака пренесен текстот звучи како одбрана на Талевски, а работа на новинарите не е да бранат ниту да напаѓаат некого, особено кога судската постапка сè уште трае, туку задача на новинарите е да информираат.
Со овој напис повредени се неколку членови од Кодексот на новинари.
Новинарите имаат улога да пренесуваат информации, идеи и мислења и право да коментираат. Почитувајќи ги етичките вредности и професионалните стандарди во пренесувањето на информациите, новинарите ќе бидат чесни, објективни и точни. (Принципи на однесување)
Начинот на информирање во случаи на несреќи, елементарни непогоди, војни, семејни трагедии, болести, судски постапки мора да биде ослободен од сензационализми. Во судските постапки треба да се почитува принципот на презумција на невиност, да се известува за сите инволвирани страни во спорот и да не се сугерира пресуда. (Член 8)
Новинарот треба да прави разлика меѓу фактите и мислењата, меѓу веста и коментарот. (Член 13)
Ова е непрофесионален, нагласено пристрасен материјал кој се става во одбрана градоначалникот на Битола во судската постапка која се води против него. Написот повеќе личи на адвокатски говор, отколку на новинарски производ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни
2 извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови