Новинарите не смеат да влегуваат во валкана политичка кампања
Објавено во Рецензии
on 10 - 10 - 2015 Автор: Ана Анастасовска
[Рецензија: (ФОТО) Талат и Бонева на слика се држат за рака позади грб?!]
Написот кој е предмет на оваа рецензија претставува фото-вест, која алудира на наводна секс-афера на пратеничката од редовите на ВМРО-ДПМНЕ, Силвана Бонева. Ова е еден од написите, објавени од истиот портал, со кои деновиве тој врши интензивна валкана кампања против Бонева, што е крајно непрофесионално и спротивно на сите новинарски стандарди и на новинарската етика.
Линкуван наслов на анализираниот напис: (ФОТО) Талат и Бонева на слика се држат за рака позади грб?!
Датум и време на објавување: 08.10.2015
Датум на рецензирање: 09.10.2015
Рецензент: Ана Анастасовска
Под сензационален наслов „(ФОТО) Талат и Бонева на слика се држат за рака позади грб?!“ е објавена фотографија на која Бонева и пратеникот од редовите на ДУИ, Талат Џафери, стојат еден до друг. Притоа, се наведува читателот, преку самиот наслов, да мисли дека тие двајца навистина се држат за рака. За манипулацијата да биде уште поголема, а со тоа и насловната конструкција многу далеку од вистината, фотографијата е матна и не може ништо да се види убаво.
Претходно, истиот портал објави наслов „Силвана Бонева ги шокираше сите во собрание со следниов аутфит во знак на поддршка на блискиот пријател Талат Џафери“, со што повторно, со помош на фотомонтажа овојпат, се обиде да направи клеветничка и со ништо непоткрепена алузија за нешто што нема врска со вистината.
Со ова, авторот на оваа измислица го прекршил Кодексот на новинари, кој уште на самиот почеток јасно пропишува:
Новинарите имаат улога да пренесуваат информации, идеи и мислења и право да коментираат. Почитувајќи ги етичките вредности и професионалните стандарди во пренесувањето на информациите, новинарите ќе бидат чесни, објективни и точни.
Од политичарите, особено кога се во кампања, може да се очекува сè, да се вадат „валкани алишта“, да измислуваат сè и сешто само за да го оцрнат противникот, но тоа е одлика на политиката, а не на новинарството. Новинарот е должен да ја информира јавноста и да работи во нејзин интерес.
По ваквите тенденциозни наслови и фотографии, пратеничката Бонева се огласи на својот фејсбук-профил, каде јавно го повика лидерот на СДСМ, Зоран Заев, да објави макар и еден нејзин неморален збор од „бомбите“, во спротивно, „да се огради и да ги осуди шпекулациите, клеветите и лагите што беа искажани на некои од опозициските портали, во името на фамата на бомбите на Заев“. Таа во ФБ-статусот говори и за „злонамераното ширење на лаги и клевети од страна на СДСМ“, иако е сосема нејасно каква врска има опозициската партија со оваа фото-вест. Во секој случај, СДСМ ги осуди нападите за лична дискредитација против Бонева.
На ваквите написи, реагираше и новинарката Катерина Блажевска, која во колумна објавена на „Призма“, апелираше да запрат измислиците за Силвана Бонева.
Иако ваквите написи не заслужуваат да се сфатат сериозно, сепак, тие мора да се анализираат, бидејќи остваруваат влијание во јавноста преку социјалните мрежи, кои им овозможуваат да се споделуваат и да се читаат со голема заинтересираност.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
невистинит
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
социјална, политичка дискриминација
УРЕДЕН ЗА ВЕБ
неквалитетни мултимедијални елементи
нема контекстуални линкови
стилски неуреден
неповрзан со тагови