Новинарите не се политичари и треба да го запомнат тоа
Објавено во Рецензии
on 16 - 09 - 2015 Автор: Ана Анастасовска
[Рецензија: Ќе бидат ли имотите на СДСМ-овците предмет на специјалниот јавен обвинител?]
Овој текст е класичен пример за спин во новинарството и за дефокусирање на јавноста. Написот е полн со коментари насочени кон дискредитација на првите луѓе на опозицискиот СДСМ и од авион се гледа дека е политички пристрасен.
Линкуван наслов на анализираниот напис: Ќе бидат ли имотите на СДСМ-овците предмет на специјалниот јавен обвинител?
Датум и време на објавување: 10.09.2015
Датум на рецензирање: 15.09.2015
Рецензент: Ана Анастасовска
Уште во насловот, авторот на текстот прашува: „Ќе бидат ли имотите на СДСМ-овците предмет на специјалниот јавен обвинител?“. Одговорот на ова прашање е јасно. Но, сепак, во написот се прави обид да се дефокусира читателот и да се нагласи наводниот криминал на првите луѓе на опозицијата, за кои не постојат никакви факти и докази, туку само непотврдени објави.
„Ако специјалниот јавен обвинител добие мандат да ги испитува имотните состојби на функционерите на СДСМ, тогаш ќе има полни раце работа, пишува Нетпрес.“
За имотните состојби на функционерите на СДСМ, од владеjачката ВМРО-ДПМНЕ често излегувале досега со разни обвинувања, а од опозициската партија, пак, биле со став, доколку има нешто сомнително, постојат органи и институции што можат да го проверат тоа и истите ги повикувале, доколку има потреба, да поведат постапки. Сепак, досега, ниту Обвинителство, ниту Антикорупциска не покренале никаква истрага.
Специјалниот јавен обвинител не може да се занимава со сè и сешто, туку јасно е дефинирано, со која цел се избира и кои предмети ќе ги разгледува тој. Тоа секако е дефинирано во Договорот од Пржино, кој го потпишаа лидерите на четирите најголеми партии за излез од политичката криза.
Специјалниот јавен обвнител ќе се занимава со предметот „Пуч“ и со предметите поврзани со прислушувањето, односно со „бомбите“ што ги објавуваше опозицијата.
Секој обид да му се наметнуваат на специјалниот обвинител други случаи, паѓаат во вода, особено кога тоа го прават новинари. Тоа не е нивна работа, да водат политика, туку да ја информираат јавноста. Вакви спинерски и манипулативни алатки се недозволиви во професионалното новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
делумна копија
наведен извор без линк
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
поврзан со тагови