verifikimiifakteve.mksitemap
verifikimiifakteve.mksitemap

Рецензија: Нивес Целзиус – морска сирена со цицки до колена

on 25 - 06 - 2014       

06232014-Vecer-Nives-crop-resize

Повеќе пати во различни рецензии, анализи и новинарски лекции овде на Сервисот за проверка на фактите од медиумите е констатирано дека добриот вкус и професионално одговорниот говор се веќе заминати од поголем дел на актуелната журналистика. Тие доблести се заменети со вулгарности, па дури и со простачки говор, кој често пати или граничи или ја преминува границата на говор на омраза, или, пак, е говор кој освен што го дискриминира добриот вкус ги дискриминира и луѓето за кој пишуваат новинарите.

На таков еден, простачки и сексистички текст, е посветена и оваа рецензија.

06232014-Vecer-NivesЛинк до оригиналниот напис: Нивес Целзиус – морска сирена со цицки до колена

Датум и време на објавување: 18.06.2014

Датум на рецензирање: 23.06.2014

Рецензент: Зоран Бојаровски

Тука веднаш да ги предупредиме оние кои се накострешија после воведот на оваа рецензија заради тоа што мислат дека ќе прочитаат уште една моралистичка лекција за доброто однесување и против слободата на изразувањето, дека медиумите и новинарите (треба да) се раководат од одредени правила и стандарди кои тие самите си ги определиле во своите кодекси, како општи, но задолжителни обврски, како и во стандардите за однесување што секој медиум ги утврдува во рамките на својата уредувачка политика.

Еве што вели членот 11 од Кодексот на новинарите:

„Новинарот ќе се придржува и на општо прифатените општествени стандарди на пристојност и почитување на етничките, културните и религиозните различности во Македонија.“

Во име на слободата на изразувањето,  кога станува збор за текстот што го рецензираме, треба да напоменеме дека може да се квалификуваат атрибутите на секој маж или жена, но тоа не мора да биде простачки. Во таа насока, треба да се води сметка за достоинството на личноста што ја опишува новинарската сторија, како и добриот вкус и достоинството на публиката која не мора да се чувствува навредена или засрамена од новинарските записи. И за ова има препорака во Кодексот, во членот 15:

„Новинарот мора да ја негува културата на говорот и етиката. Неспојливо со новинарската професија е непримерната комуникација со јавноста.“

Уште нешто можат да ни приговорат оние што сметаат дека не треба до толку да се биде пуританец, особено кога станува збор за вести и личниости од шоу бизнисот кои самите дозволуваат дополнително растегнување на границите на добриот вкус заради нивната популарност и пи-ар: Тоа е секако така, но каде е границата. Ако ја нема, во што ќе се претворат медиумите.

Освен тоа, медиумот што ја објавува оваа вест припаѓа во категоријата „жолт печат“, но тоа не значи дека е весник за возрасни. До неговите содржини лесно стигнуваат и децата. Нели е тоа доволно да се запрашаме: Навистина, каде е границата? Ако не реагираме сега, што ќе видиме и прочитаме утре.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

неофицијални

нерелевантни

1 извор

еднострани

infoVistinitostСЕОПФАТНОСТ

несеопфатнo

нема прикриени информации

infoVistinitostПРИСТРАСНОСТ

не може да се утврди

нема извртување на вистина (спин)

не може да се утврди

Не може да се утврди

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

целосна копија

ненаведен автор

infoVistinitostКВАЛИТЕТ НА НАСЛОВОТ

Насловот е навредлив

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

дискриминира

полова дискриминација,

infoVistinitostУРЕДЕН ЗА ВЕБ

читлив

солидни мултимедијални елементи

нема контекстуални линкови

делумно стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести