Ниту докази, ниту извори
Објавено во Рецензии
on 18 - 07 - 2016 Автор: Ана Анастасовска
[Рецензија: Експресно отстранет коментарот против ЛДП]
Написот што е предмет на оваа рецензија наликува на коментар оставен под некој статус на социјалните мрежи, а не на новинарски текст. Ништо во оваа објава не е јасно, таа само создава конфузија кај читателите.
Линк на оригиналниот напис: Експресно отстранет коментарот против ЛДП
Датум и време на објавување: 14.07.2016
Датум на рецензирање: 18.07.2016
Рецензент: Ана Анастасовска
КАША – ПОПАРА
„Незнаеме зошто но Ивон Величковски експресно го повлече коментарот од fb профилот на Либералната партија, со кој раководството на ЛДП беше обвинето дека се мафијаши и хохштаплери“.
Ова, по некоја логика, треба да биде веста во текстот. Од овој пасус се извлекува заклучок дека, наводно, лидерот на ЛП, Ивон Величковски, прво искоментирал дека ЛДП се мафијаши и хохштаплери, а потоа го повлекол коментарот.
Но, во текстот никаде нема доказ дека Величковски напишал такво нешто. Ниту, пак, може да се рабере што конкретно коментирал Величковски, односно, за која постапка на ЛДП тој имал реакција на неговиот ФБ-профил. Па, читателот останува целиот збунет за што, всушност, се работи.
Во втората реченица, написот ја отвора дилемата дали некој интервенирал да се тргне коментарот или Величковски го сменил мислењето? Кое мислење и какви ставови? На една дилема, се наметнува уште една. И тука веќе станува каша-попара.
„Доказ ќе продолжи да ги следи ставовите на политичките партии и нивните недоследности. Ивон очигледно ја изгуби оваа битка против ЛДП“.
Убаво што медиумот ќе ги следи ставовите на политичките партии, но истите треба и доследно да ги пренесува, а не вака, како низ разговор со некој сосед.
Овој напис личи на сè освен на новинарски. Во него прво ја нема веста, а уште помалку изворите. Која е целта на овој текст останува непознато.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
стилски неуреден
неповрзан со тагови