Ништо и сешто во еден ист новинарски текст
Објавено во Рецензии
on 14 - 10 - 2015 Автор: Зоран Бојаровски[Рецензија: Талат Џафери се грижи за Македонија повеќе од цел СДСМ]
Во оваа информација има ништо и сешто. Тоа ја прави многу проблематична. Има „ништо“ кога се обидувате да тргнете во потрага по информации и по аргументи што ги навестува наднасловот на оваа медиумска содржина: „Дипломатите ни ја узурпираат државата“. Во сите учебници по новинарство, како и во практиката, наднасловот ја определува најшироко темата на новинарсткиот текст, а во насловот е фокусот или аголот на приказната.
Во нашиот случај, тоа не е така. Освен со една полуреченица дека „дипломатите се мешаат и го уништуваат политичкиот договор…“, нема ништо повеќе за тој аспект на актуелниот политички момент во земјата.
Иако, патем кажано, политичките преговори за излез од длабоката политичка и институционална криза во земјата почна и се решава со посредство на меѓународната заедница, по претходна согласност на сите најголеми политички партии и со одобрување на поголем дел од македонската јавност.
Дури и насловот нема содржина. Тој, насловот, вака поставен имплицира дека на Албанците „природно“ не им е гајле за Македонија и дека „грижата“ на Талат Џафери е исклучок. Тоа, исклучокот, си дозволуваме да истакнеме, имплицира дека, во принцип, Албанците се секогаш предавници. Тоа е политички некоректна алузија.
Линк до оригиналниот напис: Талат Џафери се грижи за Македонија повеќе од цел СДСМ
Датум и време на објавување: 07.10.2015, 16:43
Датум на рецензирање: 13.10.2015
Рецензент: Зоран Бојаровски
Откако утврдивме дека наднасловот и насловот се исполнети со „ништо“, останува да аргументираме зошто овој текст има „сешто“, но без никакво значење со насловот и со наднасловот.
Текстот е, пред сѐ, едностран, а уште во преамбулата на Кодексот на новинарите се нагласува:
Следејќи ја својата улога во градењето на демократијата и на цивилното општество, новинарите ќе ги бранат човековите права, достоинството и слободата, ќе го почитуваат плурализмот на идеите и ставовите, ќе придонесуваат за јакнење на правната држава и во контролата на власта и на другите субјекти од јавниот живот.
Во овој текст нема ништо од аспектот „контрола на власта и на другите субјекти“.
Наместо тоа, имаме нагласено истакнување на аргументите на само една страна, но без многу конекција со најавите во наднасловот и во насловот. Наведени се две изјави од истакнати поединци на владејачката партија, кои единствено имаат цел да создадат уште една медиумска содржина за оцрнување на опозицијата.
И членот 14, од Кодексот на новинарите, многу јасно определува дека новинарите треба да имаат дистанца од политичките процеси:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Нема ништо од сугерираната дистанца. Напротив. Има јасна тенденција да се афирмира само една страна.
Освен тоа, оваа медиумска содржина има проблеми со својата жанровска определеност. Таа е чуден микс од коментар, колумна и од анализа.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови