Неупотреблива опрема или неупотреблива информација?
Објавено во Рецензии
on 6 - 04 - 2016 Автор: Симона Атанасова[Рецензија: Хард дискот со софтверот од системот е во рацете на Катица Јанева]
Написот што е предмет на оваа рецензија е една голема шпекулација и изнесува тврдења за кои потврда може да даде само Министерството за внатрешни работи. Но, МВР не е ниту спомнато во текстот, а уште помалку има изјава од единствената институција надлежна за давање на информациите што се напишани во текстот.
Линк до оригиналниот напис: Хард дискот со софтверот од системот е во рацете на Катица Јанева
Датум и време на објавување: 30.03.2016, 14:41
Датум на рецензирање: 04.04.2016
Рецензент: Симона Атанасова
(ДЕЗ)ИНФОРМАЦИЈА
Текстот (што е преземен од друг медиум и не е соодветно линкуван), тврди дека комисијата во Управата за безбедност и контраразузнавање (УБК) уништила стар и неупотреблив хардвер, а дека важните податоци ѝ биле предадени на специјалната јавна обвинителка, Катица Јанева.
„Пред да биде уништена неупотребливата опрема, била доставена наредба за снимање на сите релевантни податоци од софтверот кои во иднина би можеле да се употребат во судска процедура. Овој хард диск на барање на СЈО е доставен до Катица Јанева и практично Катица Јанева има пристап до целиот софтвер и податоци кои биле содржани во системот на УБК.“
За ваквите наводи, кои во текстот се преставени како сигурна информација, нема никаква потврда од надлежните институции, МВР и СЈО.
Ниту е прашано во МВР дали навистина била уништена само неупотреблива опрема ниту, пак, Специјалното јавно обвинителство (СЈО) е прашано дали добило хард-диск со сите податоци, како што се тврди во текстот.
Овде, всушност, станува збор за податок без никаков извор и како таков е непроверлив, а таква информација без потврда може да биде и дезинформација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови