Несолена иронија
Објавено во Рецензии
on 28 - 04 - 2016 Автор: Fatlume Dervishi
Напис: Мендух Тачи како Стојан Андов, ќе „умре“ во Собрание!
Лидерот на ДПА, Мендух Тачи, речиси 20 години седи на клупите на Собранието на Република Македонија. Тој, овие неколку недели, преку средби со граѓаните по разни градови во Македонија се подготвува да се кандидира за уште еден мандат како пратеник.
Неофицијално дознаваме дека Мендух Тачи е во дилема во која изборна единица да се кандидира, во изборната единица број 6, која ги опфаќа Тетово и околината, или, пак, во изборната единица број 1 во Сарај, каде што во 2002 година со добиените гласови од жителите Мендух Тачи стана пратеник.
Политичкиот ангажман на Мендух Тачи е подолг од 20 години, а исто толку е и пратеник во Собранието на Република Македонија, каде што ниту еднаш не дискутирал од говорницата.
Инаку, балканските политичари, особено во Македонија, се решени да одат до крај со својата политичка кариера. Поранешниот претседател на Собранието, Стојан Андов, се пензионираше како пратеник, а по сè изгледа и Мендух Тачи има таква желба.
[Рецензија: „Мендух Тачи како Стојан Андов, ќе „умре“ во Собрание!”]
„Несолената“ критика не ѝ доликува на новинарската професија. Основа за една вест треба да бидат само аргументите и тие треба да се анализираат со соодветен јазик. Авторот не смее да прејудицира, да оценува и да осудува според своите лични погледи.
Линк до оригиналниот напис: „Мендух Тачи како Стојан Андов, ќе „умре“ во Собрание!”
Датум и време на објавување: 20.04.2016
Датум на рецензирање: 20.04.2016
Рецензент: Фатлуме Дервиши
Да се предвиди „смртта“ на еден политичар, дури и тоа да е ставено под наводници, само за да се иронизира за времетраењето на мандатот на Мендух Тачи како пратеник, е повеќе од професионален скандал. Главната цел на авторот била да каже дека Тачи се подготвува за уште еден нов пратенички мандат, како и многупати досега.
„Лидерот на ДПА, Мендух Тачи, речиси 20 години седи на клупите на Собранието на Република Македонија. Тој, овие неколку недели, преку средби со граѓаните по разни градови во Македонија се подготвува за да се кандидира за уште еден мандат како пратеник.“
Некој, можеби, добар познавач на околностите, експерт или нешто слично, наместо авторот, би требало да коментира за времето на Тачи поминато како пратеник, неговите изјаснувања и неизјаснувања. Авторот го избрал најлесниот начин, коментирал самиот тој.
„Инаку, политичкиот ангажман на Мендух Тачи е подолг од 20 години, а исто толку е и пратеник во Собранието на Република Македонија, каде што ниту еднаш не дискутирал од говорницата.“
На крај, следува најавената споредба, но тука има еден проблем: Стојан Андов не умрел во Собрание, всушност тој е сè уште жив, па употребата на зборот „умре“ е несоодветна.
Овој начин на информирање покажува несериозност, злоупотреба на привилегиите што ги носи професијата и обезвреднување на довербата дадена од читателите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
неофицијални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови