Неосновани обвинувања за директорката на УЈП
Објавено во Рецензии
on 22 - 09 - 2016 Автор: Силвана Жежова
Текстот што е предмет на рецензија изнесува низа обвинувања против директорката на Управата за јавни приходи, Анастасија Илиеска, за кои нема никакви докази. Се пишуваат лични навреди, но и низа непотврдени информации за нејзината компетентност како директор на оваа институција. Од насловот на текстот не може да се утврди која е Анастасија Илиеска, зашто не сите граѓани се информирани кој е прв човек на УЈП, а уште помалку зошто таа „ја растура оваа институција“. Напишан во еден „разговорлив“ стил, без докази и аргументи, текстот останува во сферата на шпекулации и „рекла-кажала“ муабети.
Линк до оригиналниот наслов: Анастасија Илиеска го растура УЈП
Датум и време на објавување: 20.09.2016
Датум на рецензија: 22.09.2016
Рецензент: Силвана Жежова
На почетокот на текстот воопшто не е јасно кој, всушност, добива жалби од вработените дека новата директорка, наводно, била „тапа кадар“. Нема докази за ова тврдење. Исто така, се спомнува и градот каде што била родена, што нема апсолутно никаква врска со нејзината квалификуваност за директорска позиција. Воедно, не се изнесени факти што ќе потврдат дека Илиеска деградирала вработени, а нема ниту изјави од нив. Овде се споменува и Есмеров, за кого нема никакво објаснување дека станува збор за Петар Есмеров, кој беше претходник на Илиеска.
„Добивам жалби од вработени во УЈП дека новата директорка таму после Есмеров Анастасија Илиеска родум од Прилеп била тапа, ама баш тапа кадар. Поделила над 200 решенија во која симнала подолу инспектори со долгогодишен стаж, а петмина до најниско ниво. Ама зашто?“
Понатаму во текстот се изнесува „образложение“ зошто Илиеска, наводно, ги деградирала инспекторите, но повторно не се нудат никакви докази за „незаконското работење“ на нејзиното кафуле, чијашто контрола, наводно, ја вршеле деградираните инспектори. Нема докази ниту за тоа дека таа навистина поседува кафуле. Илиеска е обвинета и дека во институцијата во која работи ѝ недостига и материјал за работа, за што повторно нема никакви докази.
„Е сега Доказ ќе ви објасни тие инспектори ја контролирале порано оти Анастасија како дел од прилепската владејачка фамилија си има кафиќ ЛЕОНЕ во кој работи НЕЗАКОНСКИ и после повеќе претставки имала и контроли дур не била дел од УЈП е па сега враќа се одмаздува на колегите…Покрај тоа што казнувала инспектори добивме жалби дека немале ниту хартија и основен материјал за работа, автомобилите на УЈП не биле носени на редовен технички сервис и куп други работи…“
Во текстот што е предмет на рецензија не може да се утврди вистинитоста на тврдењата, ниту има извори на информации. Не е опфатено ниту минамално ниво на содржајност, а текстот е едностран и коментаторски. Единствена цел е да се деградира работата на првиот човек на УЈП, без да се понудат никакви докази за изнесените тврдења.
Најважниот принцип во новинарството е да се пишува вистинито. Тоа не може да се постигне ако на јавноста не ѝ се предочат проверени информации. Овој принцип тука е погазен од аспект што ниту една информација не е проверена, туку е оставена да виси како шпекулација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни,
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација,
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови