verifikimiifakteve.mksitemap
verifikimiifakteve.mksitemap

Нема потврда дека струјата ќе поскапе после изборите

on 29 - 06 - 2020       

Фото: Илустрација

Текст со наведувачки и манипулирачки наслов кој тврди дека навидум ќе се случи нешто, но за тоа што го тврди нема допирна точка со аргументи. Насловот е сензационалистички, напишан со големи букви за да привлече внимание и кликови, а притоа, факти за поткрепа нема

Линк до оригиналниот напис: После изборите ЌЕ СЕ ПОКАЧУВА ЦЕНАТА НА СТРУЈАТА!

Датум и време на објавување: 25.6.2020

Датум на рецензија: 28.6.2020

Рецензент: Симона Атанасова

Во насловот се тврди дека после изборите ќе се покачува цената на струјата. Откако ќе прочитате ваков наслов, нормално дека ќе кликнете на текстот, затоа што покачување на цената на струјата е многу важна информација и за бизнисот и за граѓаните.

Но, кога ќе го прочитате текстот ќе сфатите дека сте изманипулирани. Во текстот нема ништо што го потврдува насловот, односно ништо од факти кои велат дека струјата ќе биде поскапена после изборите.

Напротив, во текстот, каде е цитирана изјава од Претседателот на регулаторна комисија, Марко Бислимовски, се вели дека Регулаторната комисија се уште нема донесено одлука дали ќе има покачување на цената на електричната енергија.

„Во комуникација сме со компаниите и бараме дополнителни податоци бидејќи ова е многу некарактеристична година, односно и во делот на потрошувачката имаме невообичаени пикови а исто така имаме и проблеми на нивните трошоци и начинот на кој се презентирани. Можеби и постапките да се продолжат и во текот на месец јули“

Покачување на цената на струјата после избори и немање одлука за покачување на струјата, се две различни нешта.

Од тука, манипулативно е да се тврди вакво нешто во време кога е изборна кампања. Се добива впечаток дека овој текст е тенденциозно објавен на овој начин, токму во овој период за да се постигнат политички поени во полза на опозицијата. Без дилма станува збор за непрофесионално и неетички сработен текст, според постојните етички правила во новинарството.

Овој напис е преземен од проектот “Со критичко мислење до граѓани со медиумска умешност – КриТинк“, кој е спроведуван од Фондацијата „Метаморфозис“ и ЕВРОТИНК. Проектот е финансиран од Европската Унија. Ставовите и мислењата изнесени во овој напис не секогаш ги одразуваат оние на ЕУ. Написите од „Критинк“ се слободни за преземање со наведување на изворот и без измени и кратења

ИНФОГРАФИК

infoVistinitostВИСТИНИТОСТ

infoVistinitostИЗВОРИ НА ИНФОРМАЦИИ

infoVistinitostСЕОПФАТНОСТ

infoVistinitostПРИСТРАСНОСТ

infoVistinitostКОМЕНТИРАЊЕ

infoVistinitostПЛАГИЈАТ

infoVistinitostКВАЛИТЕТ НА НАСЛОВОТ

infoVistinitostФОТОГРАФИЈА

infoVistinitostГОВОР НА ОМРАЗА

infoVistinitostУРЕДЕН ЗА ВЕБ

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести