Недостигот на потврда го зголемува бројот на кликнувања, но ја губи довербата
Објавено во Рецензии
on 23 - 09 - 2015 Автор: Benjamin Arifi
[Рецензија: Кавга во ДУИ по именувањето на Незири за шеф на штабот]
Веста што ја рецензираме не содржи ниту еден доверлив елемент врз основа на кој се пишува една информација или вистинска новинарска вест. Како што може да се види од објавениот текст, авторот се обидел да прикаже една состојба, атмосфера меѓу партиските кадри на ДУИ, но овој свој навод или констататија, не го поткрепува со изјава, фотографија или видеоснимка, како што би требало да се направи при подготовка на една професионална вест.
Линк до оригиналниот напис: Кавга во ДУИ по именувањето на Незири за шеф на штабот
Датум и време на објавување: 09/09/2015
Датум на рецензија: 16/09/2015
Рецензент: Бењамин Арифи
Единствената основа којa на авторот му се чинела како доволен извор е информацијата пренесена од порталот „Тетова сот“, кој што, исто така, не консултирал ниту еден извор и не понудил никаков аргумент.
Народната поговорка дека „една невистина повторена многу пати станува вистина“, не треба да се употреби во светот на медиумите, поради нивната света мисија за правилно информирање на јавноста. Пренесувањето на непотврдените информации од другите медиуми создава еден магичен круг и информативна замагленост која ја намалува вредноста на веста, на вистинската информација.
Професионалниот новинар секогаш треба да работи потпирајќи се врз принципите на новинарскиот кодекс, каде што јасно е наведено дека:
Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже… Новинарот треба да прави разлика меѓу фактите и мислењата, меѓу веста и коментарот.
Информацијата од оваа природа за поделби во албанската партија на власт буди интерес кај јавноста и го зголемува бројот на кликнувања, но занемарувајќи ги професионалните принципи. Секако дека новинарите треба да ја следат секоја информација дека се случило такво нешто. Тоа несомнено е од јавен интерес. Но, непотврдените информации не се доволни, а во конкретниот случај, најмалку што требало да се направи, било да се побара официјален став од ДУИ и да се контактира со лицата што се наведени со име во овој напис.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
креативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови