Недоличен и омаловажувачки текст
Објавено во Рецензии
on 3 - 10 - 2016 Автор: Симона Атанасова
[Рецензија: ФОТО: Опозицискиот палјачо Шилегов ја брани неспособната Катица со хаику поезија]
Текстот што е предмет на оваа анализа е чисто коментаторски, тенденциозен, навредлив и дава констатации кои никако не може да ги потврди со факти. Во овој материјал, пишуван во недоличен тон, портпаролот на опозицискиот СДСМ, Петре Шилегов, се нарекува „палјачо“. Без разлика колку некој не се согласува со одредени постапки, однесувања, мислења и дела на Шилегов, во еден текст никако не смее да се дозволи употреба на таков навредлив речник.
Линк до оригиналниот напис: ФОТО: Опозицискиот палјачо Шилегов ја брани неспособната Катица со хаику поезија
Датум и време на објавување: 29.09.2016, 18:28
Датум на рецензирање: 02.10.2016
Рецензент: Симона Атанасова
ТЕНДЕНЦИОЗЕН И НАВРЕДЛИВ ТОН
Текстот тврди дека Шилегов поседува „ајфон“ од 2.500 евра, но не нуди доказ за тоа, па остава впечаток дека (дез)информацијата се пласира за тој да се претстави во негативно светло.
„Златните ајфони од 2.500 евра му овозможуваат на Петре Шилегов постојано да биде приклучен на интернет и брзо и навремено да ја објави секоја досетка, а особено ако таа ѝ оди во прилог на партиската пуленка Катица Јанева“.
Освен Шилегов, мета на овој нагласено тенденциозен напис е и специјалната јавна обвинителка, Катица Јанева, за која се коментира дека е неспособна и дека е „партиска пуленка“. И овие коментари се извадени од ракав и нафрлени без никакво образложение или потврда за вистинитост.
Освен дека е „партиска испостава“, СЈО се обвинува и за уривање на легитимните институции на државата. Ваквите напади се поради тоа што СЈО до Кривичен суд, поради безбедносни причини, доставило кодиран мемориски стик. И ова е единствената причина, институцијата која е воспоставена да се бори против криминалот и да ја изнесе правдината на виделина да се нарече „неспособна“ .
Како капак на сè, на Шилегов му се забележува што напишал свое мислење на неговиот личен фејсбук- профил, како тоа да е голем грев. А, затоа што, пак, мислењето го напишал во три реда, со потценување и со исмевање во написот се вели дека тоа било „хаику поезија“, иако хаику е јапонска поема која обично ја опишува природата и е составена од три стиха и од 17 слогови, а не статус на „Фејсбук“ од три реда.
Ваков недоличен и манипулативен текст наменски се користи за омаловажување и за лична пресметка, што е апсолутно недозволиво според Кодексот на новинари.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
поврзан со тагови