Не секоја информација од македонските портали може да се пренесе без да се провери
Објавено во Рецензии
on 27 - 08 - 2015 Автор: Benjamin Arifi
[Рецензија: Шекеринска платила по 2.000 евра од вечер во луксузната вила во Грција]
Тенденциозен напис кој е пренесен од медиумите на македонски јазик, без ниедна проверка или потврда. Порталот на албански јазик, кој ја пренесува нецелосната и тенденцизна вест од порталот „Република“, не понудил ниту еден дополнителен доказ за текстот што одлучил да го преведе и да го објави.
Линк од оригиналниот напис: Шекеринска платила по 2.000 евра од вечер во луксузната вила во Грција
Датум и време на објавување: 18.08.2015
Датум на рецензијата: 20.08.2015
Рецензент: Бењамин Арифи
Во овој текст не е направен обид да се контактира со заменик-претседателката на СДСМ, Радмила Шекеринска, за да се дознае лично од неа колку потрошила за нејзиниот одмор. Нема обид да се добие реакција и од други службени лица од СДСМ за покренатите прашања. Текстот само ги пренесува паушалните цени објавени од „Република“, иако во текстот не е наведено ниту името на викендичката каде престојува Шекеринска, а камоли цените што се наведени како информација.
„Вилата во која беше сместена потпретседателката на опозиционата СДСМ, Радмила Шекеринска, а се наоѓа на јонското крајбрежје е една од најлуксузните во западна Грција. Таму престојот од ден во месец август е 2.000 евра, или, пак, за 10 дена цената е 18. 000 евра, пишува Република.“
Текстот продолжува со тенденциозни претпоставки и без факти, некогаш како констатации, а некогаш како прашања.
„Ако само престојот на потпретседателката на СДСМ, Шекеринска чини по 2.000 евра од ноќ, колку вкупно чини нејзиниот одмор? 20.000 евра? 30.000? 40.000 евра? Џипот, јахтата, скапата облека, луксузната вила денес се одлика на годишниот одмор на заменик-потпретседателката на СДСМ.“
Овој текст не содржи доволно релевантни информации за да биде вест. Авторот тенденциозно и без факти се обидува да го анализира одморот на опозициски функционер, а притоа не нуди никаква информација или споредба за одморите на државните функционери.
Ваквите текстови не треба да се заложници на негативните тенденции на разните медиуми. Кога е евидентно дека еден текст на македонски јазик има професионални проблеми, тогаш одговорноста паѓа врз медиумот што го преведува и го објавува. Секако дека еден медиум може да поаѓа од некоја информација што е објавена во некој друг медиум и да направи дополнителни истражувања или да обработи прашања од поинаков агол.
Нема дискусија дека луксузот на политичарите буди интерес кај јавноста. Но, објавувањето одредени суми и информации без да се аргументираат, не им помага на читателите да го разберат тоа што е цел на понудената информација.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
не аплиактивно
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
КВАЛИТЕТ НА НАСЛОВОТ
дезинформира
креативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не апликативно
има контекстуални линкови
стилски уреден
поврзан со тагови