Не се препорачува за деца помлади од 12 години, неопходен е надзор од родител
Објавено во Рецензии
on 15 - 04 - 2015 Автор: Зоран Бојаровски
Авторот на рецензијата на оваа медиумска содржина не би сакал во ниту еден момент да биде морализатор или, далеку било, цензор, но мораме да признаеме дека предлогот на читателот да го анализираме овој „текст“ придружен со галерија фотографии, нè поттикна да ги земеме предвид неговите забелешки.
Читателот, кога го предложи овој текст за рецензија, ни напиша:
„Како загрижен родител на две малолетни деца, барам од вас да се анализира веста и ваше мислење дали нашите деца треба ова да го читаат без некакво предупредуване дека не е за мали деца? Синчето сабајлево ме прашува: „Тато која е оваа дискотека и зошто досега не сме биле таму“, а има само 14 години. Апелирам до сите загрижени родители од ваквите вести, кои без никаков срам се делат на социјалните мрежи и стигаат до најмладата публика, да бидат цензурирани…
Нема да го наведеме вториот дел од неговата оцена за оваа медиумска содржина, иако речиси целосно се согласуваме со него, но за она што тој го наведува во цитираниот дел на неговата сугестија за рецензија – вреди да се размисли.
Линк до оригиналниот напис: Галерија-Ова се случуваше на Го-Го журката во “Тао“
Датум и време на објавување: 10.04.2015, 10:20
Датум на рецензирање: 14.04.2015
Рецензент: Зоран Бојаровски
Има една законска практика која се однесува на телевизиските медиуми, со која се определува категоризацијата и периодите на емитување на ТВ-програмите што можат штетно да влијаат врз физичкиот, психичкиот и моралниот развој на малолетниците. Со визуелните и со аудиознаците за предупредување, родителите и децата знаат дали програмата е соодветна за децата што во тој момент се пред ТВ-екраните.
Оваа позитивна практика од работата на масовните медиуми дава добар потенцијал за заштита. Но, овој или посоодветен начин за предупредување на содржините што се на интернет, а што можат да влијаат на децата – не постои. Следствено, интернет-медиумите немаат таква законска обврска.
Останува на нивната процена дали за некоја содржина за која може да се оцени дека може да има штетно влијание на дел од нивната публика, ќе организираат некаква заштита или предупредување. Технологијата денеска лесно го овозможува тоа и останува само да се активира добрата волја и чувството за одговорност.
Дотогаш, останува овој тип реакции и укажувања кои треба да помогнат да се активира таа одговорност.
Но, има уште нешто со што оваа медиумска содржина ги предизвикала професионалните стандарди. Тоа е неодвоените рекламни пораки од новинарската содржина. Во таа смисла, имаме и регулатива во членот 6 од Кодексот на новинарите:
Новинарот не смее да го користи медиумот за објавување или прикривање информации за стекнување лична корист. Митото, корупцијата и изнудувањето се неспојливи со новинарската професија. Не смее да се дозволи рекламирањето и другите комерцијални мотиви да влијаат врз слободата на информирањето. Треба да постои разграничување меѓу рекламирањето и новинарскиот текст со илустрацијата.
Некои делови од овој член не се апликативни на овој медиумски текст, но го пренесовме целосниот текст од членот за поголема автентичност.
Во таа смисла, овој медиумски продукт го прекршува овој член од новинарскиот кодекс зашто на ниту еден начен не е назначено дека се работи за комерцијален текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови