Навредлив коментар „обландиран“ како вест
Објавено во Рецензии
on 19 - 05 - 2016 Автор: Симона Атанасова[Рецензија: Шерифите на Заев и Спасовски се однесуваат како за нив да не постои закон!]
Едностран, коментаторски и недоличен текст кој е објавен во категоријата „вести“ и кој се заснова само на непроверени шпекулации, кои имаат цел да oцрнат некои личности. Како поткрепа на искажаните обвинувања во материјалот има само една фотографија, која не докажува ама баш ништо конкретно.
Написот е политички пристрасен, полн со коментари и со навредливи епитети (шериф, сељак, исфрустриран, искомплексиран), недозволиви за еден новинарски материјал.
Текстот е преземен од друг медиум, но тоа е соопштено на крајот на текстот во последната реченица.
Линк до оригиналниот напис: Шерифите на Заев и Спасовски се однесуваат како за нив да не постои закон!
Датум и време на објавување: 17.05.2016, 07:46
Датум на рецензирање: 18.05.2015
Рецензент: Симона Атанасова
ОЦРНУВАЊЕ
„Раде Јанковски, шефот на кабинет на Оливер Спасовски решил дека е шериф, па почнал да го глуми Таличниот Том, сметајќи дека е недопирлив, и решил да си паркира каде ќе стигне. На фотографијата можете да го видите автомобилот на Раде Јанковски, паркиран на тротоар во центарот на Скопје, а пред него автомобил со дипломатски регистарски ознаки. И тој, и дипломатот се еднакви во карактерната особина – сељачизам“.
На фотографијата се забележуваат три коли, од кои за едната, без никаков извор и без никаква потврда, се тврди дека е на шефот на кабинет на министерот Спасовски. Иако за тоа не постојат докази, ниту го има посочениот Јанковски на слика, сепак оваа шпекулација ѝ се нуди на јавноста како точна информација. Згора на сè, за третиот автомобил се тврди дека е дипломатски и покрај тоа што воопшто не се гледа дека возилото е со дипломатски таблички. Дури на наводниот диполмат му е залепена навредливата кованица „сељачизам“.
Фотографијата нема никаква атрибуција. Не се знае ниту кој ја сликал, ниту кога, ниту каде. Тоа остава простор за сомневање дека можеби се работи за стара фотографија или, пак, за најобична фотографија направена каде било, односно дека автомобилот можеби воопшто не е на Јанковски, како што се тврди во оваа тенденциозна објава.
Врз основа на ваква штура фотографија, без никаква етичка задршка и со кршење на новинарските правила, конструиран е карактерен профил не само на министерот за внатрешни работи, Оливер Спасовски, туку без никакво објаснување се нагрдува и се навредува и лидерот на опозицискиот СДСМ, Зоран Заев.
Фактички, на читателите им е понуден еден исклучително навредлив коментар „обландиран“ како вест. Во ова медиумска содржина се оцрнуваат и се дискредитираат личности кои не се прашани за мислење, што го прави написот непрофесионален, политички некоректен и манипулирачки.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен автор, наведен извор со линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
има контекстуални линкови
делумно стилски уреден
неповрзан со тагови