Насловот не треба да информира погрешно
Објавено во Рецензии
on 21 - 07 - 2015 Автор: Benjamin Arifi
[Рецензија: НДП отворена за соработка со ДПА]
Медиумите имаат голема одговорност за точно информирање на јавноста, притоа оставајќи што помалку простор за недоразбирање или погрешно толкување. Текстот што го рецензираме е коректен и содржи обична информација од состанокот на партиското претседателтво на НДП, притоа пренесувајќи го целосно нивното соопштение од состанокот. Меѓутоа, насловот не е прецизиран до крај и остава голем простор за да се сфати погрешно од читателите.
Линк до оригиналниот наслов: Рецензија: НДП отворена за соработка со ДПА
Датум и време на објавување: 07.07.2015
Датум на рецензијата: 16.07.2015
Рецензент: Бењамин Арифи
Насловот, така како што е формулиран, остава простор да не се разбере правилно и може да создаде конфузија кај читателите. Во ниту еден ред, ниту во веста, ниту во соопштението на НДП, не се вели дека НДП е спремна да соработува до ДПА, туку се работи за соработка со Движењето за реформи во ДПА, кое е сосема друг политички субјект.
„Веднаш после повикот за коалиција, кој што го направи лидерот на ДПА, Мендух Тачи, НДП одржа состанок на Централното претседателство каде што е одлучено да се изготви и да се потпише платформа со Движењето за Реформи во ДПА, а потоа ќе биде отворена за соработка со сите други политички субјекти, пренесува Шќипмедиа.“
Ваквиот наслов е уште поконфузен кога се има предвид дека доаѓа само еден ден по изјавата на лидерот на ДПА, Мендух Тачи, дека ќе побара коалиција со НДП и со Движењето Беса.
Медиумите не треба да ја заборават нивната примарна мисија, правилното и точно информирање на своите читатели. За да ја исполнат ова мисија, треба што е можно повеќе да избегнуваат наслови и реченици со повеќе значења, за да не остават простор читателите погрешно да ја толкуваат веста.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
можеби се прикриени информации
ПРИСТРАСНОСТ
извртување на вистина (спин)
лажни информации
КОМЕНТИРАЊЕ
нема коментаторски елементи
ПЛАГИЈАТ
оригинално дело
КВАЛИТЕТ НА НАСЛОВОТ
дезинформира
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови