Наслов за кликнувања
Објавено во Рецензии
on 29 - 01 - 2016 Автор: Ана Анастасовска[Пронајдена исчезнатата жена од Куманово – што и се случило]
Текстот што е предмет на оваа рецензија е предлог на наш читател кој вели: „Си ставаат што сакаат како наслов на „статијата“ и око не им трепнува. Тоа што во текстот понатаму немаат никаква информација околу тоа што најдиректно го навестуваат, уво не ги боли“. Читателот е целосно во право.
Линкуван наслов на анализираниот напис: Пронајдена исчезнатата жена од Куманово – што и се случило
Датум и време на објавување: 25.01.2016
Датум на рецензирање: 27.01.2016
Рецензент: Ана Анастасовска
НО, ШТО Ѝ СЕ СЛУЧИЛО НА КУМАНОВКАТА ?
Имено, насловот на написот, освен што потврдува дека е пронајдена жена од Куманово која била исчезната, исто така, навестува и дека ќе ни открие што ѝ се случило. Но, такво нешто во текстот нема. Информациите што ги содржи оваа новинарска вест се дека жената била пронајдена, кој, кога и каде ја нашол.
„Припадници на СВР Куманово синоќа околу 23 часот во централното градско подрачје ја пронајдоа исчезнатата 33-годишна жена, жителка на кумановско Ново Село.“
Во материјалот има и податоци за тоа кога семејството ја пријавило за исчезната, како и дека нејзините роднини барале помош од медиумите.
„Жената од страна на членовите на нејзиното семејство беше пријавена за исчезната на 23 јануари.
…членови на семејството преку медиумите побараа помош и од граѓаните за пронаоѓање на жената.“
Но, во содржинскиот дел на оваа објава нема одговор што ѝ се случило на оваа кумановка. Фактички, тоа што го има во насловот, го нема во текстот. Провокативниот наслов е ставен само за привлекување внимание, а не за информирање. Очигледно е дека е направен таков избор на насловната конструкција само поради желбата за собирање повеќе кликнувања. Тоа е непрофесионално, но и некоректно кон читателите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови