verifikimiifakteve.mksitemap
verifikimiifakteve.mksitemap

Наслов со сензации и со манипулации, текст без факти и со шпекулации

on 13 - 06 - 2016       
Овој напис го има и на: Албански

FireShot Screen Capture #233 - 'Prokurorja Fetai nesër në ora 11_00 do të tregon se cilët politikan shqiptar dhe maqedonas duhet të arrestohen!' - www_zhurnal_mk_content__id=166514019

 

Напис: Обвинителката Фетаи утре во 11:00 ќе каже кои политичари Aлбанци и Mакедонци  ќе бидат уапсени

Специјалната обвинителка, Катица Јавена, во придружба на обвинителката Фатиме Фетаи, ќе го објави обвинителниот акт и најновите истраги што ги вршело ова обвинителство против тројца политичари во Македонија, пишува „Журнал“.

Неофицијално дознаваме дека СЈО ќе поднесе обвинителен акт за неколку политичари што во последните 10 години извршиле кривични дела и го оштетиле државниот буџет, при што не се исклучува можноста тие да се Aлбанци.

Сè уште не се знае дали се работи за политичари Aлбанци или Mакедонци. „Журнал“ утре од 11 часот ќе ви ги пренесе најновите информации од вонредната прес-конференција на СЈО.

Досега СЈО ги објави аферите „Титаник“, „Тврдина“, „Тортура“ и „Транспортер“.

Неофицијално се дознава дека се рабори за злоупотреби на тендери во неколку министерства и во други државни институции.

 

[Рецензија:Обвинителката Фетаи утре во 11:00 ќе каже кои политичари Aлбанци и Mакедонци  ќе бидат уапсени]

Манипулациите во насловот за придобивање читатели, за жал, зеле замав во интернет-новинарството. Речиси секој ден се соочуваме со бомбастични наслови, кои го привлекуваат вниманието на читателите, но ако се навлезе во текстот, гледаме едно „ништо“ од тоа што е најавено во насловот. Таков е случајот со содржината што ја рецензираме, која најавува дека ќе се случи нешто големо, но во суштина не нуди ниеден аргумент со кој би се поддржале тврдењата. Во Прирачникот за етика во новинарството на ЗНМ се вели дека „насловот или најавата на трудот мора да биде во хармонија со неговата содржина“.

ZHURNAL Линк до оригиналниот напис: Обвинителката Фетаи утре во 11:00 ќе каже кои политичари Албанци и Македонци  ќе бидат уапсени

Датум и време на објавување: 05.06.2016

Датум на рецензирање: 08.06.2016

Рецензент: Бењамин Арифи

„Специјалната обвинителка, Катица Јавена, во придружба на обвинителката Фатиме Фетаи, ќе го објави обвинителниот акт и најновите истраги што ги вршело ова обвинителство против тројца политичари во Македонија…“

Авторот на текстот не кажал со што ги поддржува своите тврдења, тоа дека ќе има прес-конференција на Специјалното јавно обвинителство и потоа дека бројот на политичарите за кои ќе се поднесе обвинителен акт е три, па дури и дека меѓу нив ќе има и политичари Албанци.  Утредента веста беше демантирана. Специјалното обвинителство не одржа „вонредна“ прес-конференција, како што се тврдеше во овој напис.

Ништо не предизвикува поголемо губење довербата на читателите кон еден медиум отколку ширењето непотврдени информации. Поради оваа причина, новинарот е обврзан да дава точни информации.

 „Точноста на информацијата треба да се верифицира колку што е можно повеќе“, стои во Кодексот за етика на новинарите. Бидејќи станува збор за Специјалното обвинителство, тогаш, пред да се објави информацијата, требало да се контактира со Специјалното обвинителство за да се потврди информацијата дека утредента навистина ќе се одржи прес-конференција и дека од ова обвинителство ќе се објави друг случај. Меѓутоа, во текстот не се наведува дали е побарана потврда за информацијата или дали барем имало обид да се направи ова.

Освен што го промашил целосно терминот на прес-конференцијата, новинарот навлегол и во детали, пишувајќи дека ќе се истражат и албански политичари, иако се знае дека истрагите на Специјалното обвинителство се тајни и секое такво предвидување е едноставно шпекулација.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

нема факти

неточни наводи

неверодостојни наводи

infoVistinitostИЗВОРИ НА ИНФОРМАЦИИ

нема евидентирани извори

не може да се утврди

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

Не

извртување на вистина (спин)

лажни информации

не аплиактивно

infoVistinitostКОМЕНТИРАЊЕ

издвоено од фактите

infoVistinitostПЛАГИЈАТ

делумна копија

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

соодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

наведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

средно читлив

не апликативно

има контекстуални линкови

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести