Наслов што поттикнува омраза!
Објавено во Рецензии
on 16 - 06 - 2016 Автор: Adrian Kerimi
Напис: Видете го Албанецот од Скопје како му удира шлаканица на „вмровецот“
За време на денешната блокада на патот во центарот на Скопје (Главната црква), се случи инцидент во кој „пукнале“ и шлаканици. Еден граѓанин со мотоцикл (демонстрантите го нарекуваат вмровец), сакал да ја премине блокадата поставена од страна на демонстрантите од „Шарената револуција“, известува „Лајм“.
„Револуционерите“ не го оставиле и со ова настанала кавга меѓу него и Замир Мехмети, братот на пратеничката Ермира Мехмети. Но, Замир се повлекува од кавгата, додека друг демонстрант (кој демонстрантите го викаат Халим, изгледа и тој Албанец), му удира шлаканица на човекот со мотоцикл. Овој случај е снимен и објавен на „Јутјуб“.
[Рецензија : Видете го Албанецот од Скопје како му удира шлаканица на „вмровецот“]
Веста што ја рецензираме, во содржинскиот дел е помалку или повеќе во ред, но тоа што се забележува како прекршување на професионалното новинарство во овој напис е токму тенденциозниот наслов, што може да провоцира насилство и омраза. Не се бара коментар на прашањето дали имал право или не човекот со мотоцикл или демонстрантите. Во овој сегмент, работите се разбираат, но известувањето секогаш треба да се основа на суштината на настанот, односно да се прави вест од тоа што го гледаме. Соодветен наслов би бил, на пример, следниов: „Инцидент при протестот на ’Шарената револуција’“. По ова, сето тоа што требало да се каже во текстот, би било само основа на професионалниот и непристрасниот пристап. Затоа, новинарите и уредниците треба да бидат внимателни кога на читателите им наметнуваат „бомбастични“ наслови.
„За време на денешната блокада на патот во центарот на Скопје (Главната црква), се случи инцидент во кој „пукнале“ и шлаканици. Еден граѓанин со мотоцикл (демонстрантите го нарекуваат вмровец), сакал да ја премине блокадата поставена од страна на демонстрантите од „Шарената револуција“…“
Линк до оригиналниот напис: „Видете го Албанецот од Скопје како му удира шлаканица на „ВМРО”-вецот”
Датум и време на објавување: 08.06.2016
Датум на рецензирање: 09.06.2016
Рецензент: Адриан Керими
Авторот направил грешка што на инцидентот му дал етнички правец, со што ризикува да предизвика насилство и омраза. Во конкретниот случај, професионално би било известувањето за еден инцидент и за тенденцијата на еден граѓанин, доколку била таква, да го попречи правото на стотици други граѓани. Можеби демонстрантите со право го нарекле човекот со мотоцикл „вмровец“ или можеби не, нешто што треба да се истражи и да се каже од страна на медиумите преку докази и факти. Меѓутоа, наместо во овој правец, новинарот без право му дал на насловот етничка конотација и бои на патриотизам, најверојатно за да поттикне прегледност и кликнувања.
„’Револуционерите’ не го оставиле и со ова настанала кавга меѓу него и Замир Мехмети, братот на пратеничката Ермира Мехмети. Но, Замир се повлекува од кавгата, додека друг демонстрант (кој демонстрантите го викаат Халим, изгледа и тој Албанец), му удира шлаканица на човекот со мотоцикл“.
Добра вест е комплетираната вест! Конкретната „вест“, независно од тоа што се повикува на извори и го докажува текстот, не е комплетна. Во текстот недостига и некој службен став. Доколку полицијата не излегла со став во врска со овој инцидент, ова не подразбира дека новинарот не треба да побара став од овој орган за да го комплетира написот.
Добрата заднина би била „јаготка на шлагот“. Во текстот се зборува за еден протест, но немаат сите знаење за каков протест станува збор и со какви активности тој се манифестира. Дополнителната информација би била дека „Шарената револуција“ ги блокирала главните раскрсници 8 јуни 2016 година во Скопје. Тенденциозниот пристап и целта во текстот се потврдуваат со фактот дека за протестот се известило многу помалку отколку за инцидентот како негов дел.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
делумно
ИЗВОРИ НА ИНФОРМАЦИИ
има евидентирани извори
релевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
говор на омраза
потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски уреден
неповрзан со тагови