Наднасловот го упропастил извештајот
Објавено во Рецензии
on 10 - 05 - 2016 Автор: Љубомир Костовски
[Рецензија: Богов: најлошото сценарио е најреално – БДП ќе порасне само 1,6 отсто]
Прес-конференцијата што неодамна ја одржа гувернерот на НБРМ, Димитар Богов, на која ги изнесе прогнозите за порастот на домашниот бруто-производ, ја пренесоа сите медиуми. Разликите се, секако, присутни кај известувачите, но главно во акцентирањето на одредени моменти од излагањето или во опремата. Написот што е предмет на рецензија се обидел да ја политизира изјавата на Богов повеќе, отколку што таа сама по себеси дозволува. Тоа, пак, на некој начин, е јасен „фаул“ – изложување на јавен функционер од прв ранг, се користи за спинување на опсерверите во насока на оправдување на лошата економска политика на Владата со други, неспоменати фактори!
Линк до оригиналниот напис: Богов: најлошото сценарио е најреално – БДП ќе порасне само 1,6 отсто
Датум и време на објавување: 05.05.2016 18:21
Датум на рецензирање: 09.05.2016
Рецензент: Љубомир Костовски
НАМАЛЕН ПОРАСТ
„Раст на вкупната економија годинава од само 1,6 процент предвидува Народната банка. Ова е најниска прогноза за раст на домашниот бруто-производ (БДП) на земјава, а централната банка ја правда со продолжената политичка криза. Проекциите од ова сценарио се базирани на претпоставки дека политичката нестабилност ќе трае до крајот на годината, а поради тоа населението ќе ја губи довербата, па помалку ќе троши, странските и домашните инвеститори ќе ги намалат вложувањата.“
Во своето изложување, како што се гледа и од овој цитат, гувернерот говори за политичка криза. Никаде не говори за субјекти, за виновници што ја создале кризата, за тоа кој реално може да создава криза во земјата и кој е виновникот за лошите состојби.
Гледан кацо целина, како пренос на една интересна за јавноста прес-конференција, пред себе имаме одлично преточен настан во широк детален извештај, еднакво привлечен и за стручната и за обичната јавност! И насловот е соодветен на настанот од кој се известувало.
Ама, проблем прави, се чини, отпосле додадениот наднаслов кој гласи:
„Кризата создадена однадвор и од СДСМ дава резултати“
Тој сугерира дека признавањето за големиот пад на економските прогнози на НБРМ нема основа во акуелната политика и во тие што ги водат финансиите и економијата, туку во тие кои прават нереди и политички кризи, како тие и да немаат свое извориште во секојдневието.
Ваквиот потег, многу веројатно, е уредничко „посолување“, со што еден вреден новинарски производ добива блуткав вкус.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови