Мултиплицирање на невистината
Објавено во Рецензии
on 21 - 05 - 2015 Автор: Зоран Бојаровски
[Рецензија: Ова ли е масовност? Заев нервозен се расправал со сопартијците бидејќи протестите пропаднале и доживеале фијаско]
Доколку е потребно и со документ да се потврди дека примарната задача на новинарите е да ја почитуваат вистината и да известуваат за неа, го нудиме првиот став од преамбулата на Кодексот на новинарите на Македонија во кој се вели:
Основна задача на новинарите е да ја почитуваат вистината и правото на јавноста да биде информирана во согласност со член 16 од Уставот на Република Македонија.
Дека вистината е врвна задача во новинарството, пишува и во сите други национални и меѓународни кодекси и принципи со кои се утврдуваат професионалните стандарди и етичките норми на оваа професија.
Зошто на почетокот на оваа рецензија толку инсистираме на оваа новинарска мисија? Затоа што текстот што го рецензираме објавува невистина и со тоа го крши овој врвен принцип.
Линк до оригиналниот напис: Ова ли е масовност? Заев нервозен се расправал со сопартијците бидејќи протестите пропаднале и доживеале фијаско
Датум и време на објавување: 15.04.2015, 09:14
Датум на рецензирање: 20.04.2015
Рецензент: Зоран Бојаровски
Рецензијата на оваа медиумска содржина би можела да заврши во констатацијата во воведот на оваа рецензија. Но, сепак, подготвени сме да се задржиме уште малку на овој текст зашто тој крши уште неколку професионални стандарди.
Како прво, полн е со коментари. Почнувајќи од насловот. Коментарите не се издвоени од текстот, односно целиот текст е, всушност, коментар иако се обидува да се прикрие зад форматот извештај.
Следствено на тоа, текстот е пристрасен и избрал страна. Неколкупати сме истакнале во претходните рецензии дека тоа и не е најголемиот проблем. Најголем проблем е манипулацијата и лагите што се пласираат во текстот.
Во него се тврди дека лидерот на опозицијата „жестоко се расправал со организаторите“ на протестот од 17 мај поради слабата посетеност. За ова тврдење не е дадена никаква конфирмација.
Да не ја заборавиме лагата. Таа е искажана во завршницата на текстот:
„Аболицираниот Заев од говорница уште еднаш се закани со насилство и нереди по улиците. Посочи дека ќе ја рушат актуелната власт со сила и насилие.“
Во ниту еден момент од говорот лидерот на опозицијата на 17 мај не е речено такво нешто. Ова можете да му го верувате на авторот на оваа рецензија, бидејќи беше присутен на тој настан, или да го прочитате говорот на овој линк. Или да го видите видеото од говорот.
И уште еден непрофесионален потег е преземањето на овој текст со сите овие недоследности без да бидат проверени и со тоа се врши мултипликација на непрофесионалноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
наведен извор со линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови