Моето имагинарно експертско другарче
Објавено во Рецензии
on 23 - 10 - 2015 Автор: Зоран Бојаровски[Рецензија: „Заради стравот на СДСМ од избори, Македонија ја губи препораката“]
Што нè поттикна да ја предложиме оваа медиумска содржина за рецензија на нејзините новинарски елементи? Неколку нешта нè предизвикаа уште при првото читање: текстот се повикува на експерти, а нема ниту еден со име и со презиме; полн е со обвинувања и со шпекулации фокусирани само врз еден „виновник“; текстот сее и страв и несигурност само врз основа на еднострани аргументи на непотпишаниот автор.
Линк до оригиналниот напис: Заради стравот на СДСМ од избори, Македонија ја губи препораката
Датум и време на објавување: 21.10.2015 15:17
Датум на рецензирање: 22.10.2015
Рецензент: Зоран Бојаровски
Да ги елаборираме овие сериозни забелешки. Кога имаме новинарска содржина, која не е резултат на известување од нaстан, како во овој случај, односнио кога имаме новинарска анализа на серија од настани, тогаш она што е неопходно е таквата анализа да има експерти или непосредно вклучени актери кои ќе ги изнесат своите ставови, оценки, мислења, повразни со последиците или ефектите од тој настан.
Во тесктот што го рецензираме, кој, според своите елементи, јазик и структура, секако претендира да биде наречен анализа – нема ништо од елементите што ги наведовме во претходниот пасус на оваа рецензија.
За волја на вистината, авторот (непотпишан) се повикува на експерти, но не ги именува. Небаре е којзнае колку деликатна или опасна содржина, па експертите се исплашиле јавно и со име и со презиме да говорат. Нема врска.
Ова е уште еден од оние новинарски содржини што ги злоупотребуваат имагинарните „експерти“ за да ја сеат својата вистина, теза, пропаганда…
Во оваа медиумска содржина има обвинувања и шпекулации за однесувањето за само еден субјект од политичките преговори во Македонија и тоа оддава целосна пристрасност. Тое е во спротивност со стандардот за професионална дистанца од политичките актери.
И, конечно, и најнепрофесионално, врз основа на имагинарни експерти и врз основа на еднострани аргументи, авторот на овој текст ја надградува (и проширува) својата намера да сее страв и омраза кон една политичка партија, префрлајќи го целиот товар на вина на протагонистите на таа партија.
Тоа, како и претходните недостатоци, му прави на овој текст проблем наспроти професионалните и сите други етички стандарди на новинарството.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови