Многу слики со малку аргументи
Објавено во Рецензии
on 27 - 10 - 2016 Автор: Xhenis Sulimani
Напис: Почнува соработката ДУИ и ДПА?! Ахмети и Тачи насмеани (ФОТО)
Долго време беше незамисливо, но во овие моменти лидерот на ДУИ, Али Ахмети, и лидерот на ДПА, Мендух Тачи, присуствуваат заедно на една церемонија организирана во ДУТ, на која на претседателот на Косово ќе му биде врачена титулата „Doctor Honoris Causa“.
Претходно, весникот „Лајм“ напиша дека Хашим Тачи може да се вклучи во предизборната кампања на ВМРО-ДПМНЕ, подржувајќи го верниот партнер на Груевски, Али Ахмети, со посета на Зајас, каде што се одвиваат работи за откопување на коските од една масовна гробница. По текстот во весникот „Лајм“, дознаваме дека неговите советници му предлагаат на Тачи да не оди во Зајас, поради револтот кој може да се предизвика кај Албанците во Македонија и во Косово. Поради ова постои голема можност оваа посета на Хашим Тачи во Зајас да не се оствари, иако сè уште нема дефинитивна одлука, известува „Лајм“.
Во меѓувреме, на фотографијата може да се видат Али Ахмети и Мендух Тачи насмеани, со што во јавноста се отворија сомнежи дека од денеска во Тетово веќе почнала соработката меѓу ДПА и ДУИ?!
[Рецензија: Почнува соработката ДУИ и ДПА?! Ахмети и Тачи насмеани (ФОТО)]
Понекогаш се случува при рецензирање на текстот да не знаете од каде да почнете и тоа поради фактот што во него има многу индикатори и елементи за рецензирање. Таква е и оваа содржина, многу „богата“ со професионални недостатоци, почнувајќи од насловот, па сè до последната реченица.
Линк до оригиналниот напис: „Почнува соработката ДУИ и ДПА?! Ахмети и Тачи насмеани (ФОТО)”
Датум и време на објавување: 14.10.2016
Датум на рецензирање: 23.10.2016
Рецензент: Џенис Сулимани
Текстот почнува со наслов, кој уште од својот прв фрагмент се демантира од содржината на текстот. Нормално дека информацијата што ја чита во насловот, читателот ќе ја бара аргументирана и потврдена во текстот. Меѓутоа, кога се чита содржината, јасно е дека насловот нема врска со тоа што е напишано и дека Тачи и Ахмети не седнале заедно како резултат на некоја соработка, туку при една церемонија во ДУТ.
„Долго време беше незамисливо, но во овие моменти лидерот на ДУИ, Али Ахмети, и лидерот на ДПА, Мендух Тачи, присуствуваат заедно на една церемонија организирана во ДУТ, на која на претседателот на Косово ќе му биде врачена титулата „Doctor Honoris Causa“.“
Освен тоа, во текстот се спомнува и претседателот на Косово, Хашим Тачи, и неговите можни активности во Македонија. Но, сè останува во границите на шпекулации и обиди за свесна манипулација на јавноста, затоа што не се дава ниту еден аргумент со кој би се потврдило напишаното.
На крај, текстот се навраќа на дезинформацијата што е напишана во насловот и со сликите продолжува обидот да се манипулира јавноста. Недостигот од изјави од страна на протагонистите на овие фоотографии е само уште еден доказ дека содржината, преку овој „новинарски продукт“, има цел да ја дезориентира јавноста.
И уште еднаш, по кој знае кој пат, принудени сме да повториме што пишува во Етичкиот кодекс на новинарите:
Моралната одговорност за неточноста на информацијата паѓа на новинарот и затоа е важно тој самиот да влијае и да обезбеди објавување на демант, исправка или одговор во медиумот во кој информацијата е објавена, а чијшто автор е тој. На тој начин новинарот го штити и сопствениот интегритет, но и интегритетот на медиумот во кој работи.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
нерелевантни
1 извор
СЕОПФАТНОСТ
несеопфатнo
прикриени информации
ПРИСТРАСНОСТ
не
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
нема контекстуални линкови
стилски неуреден
поврзан со тагови