Минијатура на махерите на спинот
Објавено во Рецензии
on 23 - 04 - 2014 Автор: Зоран БојаровскиВо теоријата, најчеста дефиниција за спинот е дека тој е форма на пропаганда, која се постигнува преку обезбедување на интерпретација на одреден настан или кампања, за да го убеди јавното мислење во корист, или против, одредена организација или јавна личност. Имајки ја оваа дефиниција, ви нудиме, почитувани читатели, вие самите да определите дали има спин во насловите на овие две вести во еден ист медиум:
Вест број 1: „Поевтинуваат бензините и дизелот„ (објавена на 13 јануари 2014 13:56)
Вест број 2: „Одредени нови цени за бензините и дизелот“ (објавена на 22 Април 2014 12:26)
Во првата вест фактичката ситуација е дека е постигната согласност за пониска цена на бензините и медиумот за да ја афирмира оваа информација во насловот го користи зборот „поевтинуваат“. И тоа е сосема во ред. Одговара на фактите во веста.
Во втората вест фактите велат дека Регулаторната комисија за енергетика ги покачила цените на горивата. Но, медиумот во насловот се одлучил да се користи зборот „одредени“. И тоа одговара на фактите, но разликата ја прави интерпретацијата.
Токму така како што дефинира техниката на спинот. Класична пропагандна техника на класичен пример. Студија на случај за спинување, како што, всушност, констатираат и граѓаните на социјалните мрежи кои беа поттик за оваа рецензија.
Линк до оригиналниот напис: Одредени нови цени за бензините и дизелот
Датум и време на објавување: 22.04.2014, 12.26
Датум на рецензирање: 23.04.2014
Рецензент: Зоран Бојаровски
И нема што многу да се коментира. Во првиот случај зборот „поевтинуваат“ афирмира и рецепцијата е позитивна, а во вториот зборот “одредува“ е неутрален за да го намали интензитетот на интерпретацијата која заради поскапувањето (ќе) има негативен предзнак.
И на крајот една куса историја на спинот и на пропагандата. „Татко на спинот” е Едвард Бернајс, кој сметал дека манипулацијата со јавното мислење е неопходен дел од демократијата, заради што често пати бил критикуван како пропагандист и манипулатор кој работи спротивно на јавниот интерес а во полза на одредени лоби групи.
Еве што вели Бернајс во неговата книга „Пропаганда” од 1928-та година:
„Оние кои манипулираат со овој скриен механизам на општеството, како една невидлива влада се вистинската владеачка моќ во нашата земја…Ние сме управувани, нашите умови се моделирани, нашите вкусови се формирани, нашите идеи се сугерирани, најчесто од луѓе за кои никогаш не сме слушнале… Во скоро секој акт на нашите секојдневни животи, без разлика дали во сферата на политиката или бизнисот, или нашето социјално однесување или етичко мислење, ние сме доминирани од релативно мал број на луѓе, кои ги разбираат менталните процеси и социјални шаблони на масите. Тие се оние кои ги влечат конците што го контролираат јавниот ум”.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен извор
КВАЛИТЕТ НА НАСЛОВОТ
информира
некреативен
несензационален
соодветен
нејасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови