Медиумот не смее да се користи за лична пресметка
Објавено во Рецензии
on 17 - 01 - 2017 Автор: Ана Анастасовска[Рецензија: ВИСТИНАТА ЗА ФИЛИП ПЕТРОВСКИ: Од голема политичка надеж до обично куртонче кое се заканува со убиства!!! ]
Текстот што го рецензираме е полн со навреди и со недолични зборови и претставува лична пресметка со функционер на власта, поточно со директорот на Државниот архив, Филип Петровски.
Линк до оригиналниот напис: ВИСТИНАТА ЗА ФИЛИП ПЕТРОВСКИ: Од голема политичка надеж до обично куртонче кое се заканува со убиства!!!
Датум и време на објавување: 13.01.2017 – 22.48
Датум на рецензирање: 17.01.2017
Рецензент: Ана Анастасовска
Написот изобилува со информации кои на читателот му се пласираат на бомбастичен начин како вистинити, иако за нив нема никаква поткрепа ниту, пак, релевантен извор.
„Што се случува со овој човек, зошто забега детево толку?! Каде се еба работата по пат?! Сите други во ДПМНЕ успеаја да направат големи кариери, долги години пратеници, министри, милионери, а Филипче се гребе за мали функции за да преживее па се глупура и се заканува со убиства на фејсбук, си снима сам видеа, се брука и тоне и тоне…“
Поентата на написот е, наводно, да му се објасни на читателот зошто Петровски се заканувал на новинари со убиство, во случајов на сопственикот на порталот каде е објавен овој напис.
Но, тоа се прави на целосно непрофесионален начин. Текстот наликува на личен став и коментар, иако не е потпишан со име и со презиме, туку е ставен во рубрика „Македонија“. Според тоа, ваквиот формат воопшто не му одговара.
„Од она што се зборува низ Скопје, дознавме дека она што сега Филип Петровски овие денови го правел е поради притисокот од неговата сопруга која го сметала за голем лузер.Неговата сопруга му се заканила дека морало да се потруди повеќе за да не банкротираат!“
Чиста шпекулација и чаршиски муабет. Се навлегува во приватниот живот на Петровски, без притоа да се побара изјава од него или, евентуално, од неговата сопруга, бидејќи таа се спомнува во текстот.
„Многу бргу по фијаското со Демократска Десница, Филип Петровски се јавил кај Грујо и Мијалков, понудил да работи за нив, за возврат замолил да му ги исплатат долговите и кредитите и да го постават на некоја функција за да може да зема плата и да рани фамилија. Грујо и Сашо се согласиле да го примат назад, но му ставиле до знаење дека поради нападите како лидер на Демократска Десница и настапите на А1, тој ќе мора цело време да биде најактивен и да рипа цело време во оган, да ги прави прљавите задачи за да ги заработи парите“.
Потврда нема ниту за ваквите информации. Во новинарството се дозволени анонимни извори, но ваквиот термин не смее да се злоупотребува за да се шират непроверени или лажни информации.
Во овој напис прекршени се неколку члена од Кодексот за новинари.
Новинарот мора да ги негува културата на говорот и етиката. Неспојлива со новинарската професија е непримерната комуникација со јавноста. (Член 15)
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги. (Член 16)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
неверодостојни наводи
ИЗВОРИ НА ИНФОРМАЦИИ
има евидентирани извори
анонимни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
друга пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
солидни мултимедијални елементи
делумно стилски уреден