Коментарот на Зоран Заев за изјавата на Мухамед Зекири за односите меѓу Социјалдемократскиот сојуз на Македонија (СДСМ) и Демократската унија за интеграција (ДУИ), создаде идеално опкружување за некои медиуми да манипулираат со јавноста и да ги дезинформираат со злоупотреба на коментарите на социјалната мрежа Фејсбук. Патем, на медиумите им е забрането да шират говор на омраза што претставува кривично дело. Таква е веста што ја разгледуваме

Линк до оригиналниот напис:  По Заев, и коментаторите го прават резил Муки“Pas Zaevit, edhe komentuesit e bëjnë rezil Mukin”

Датум на објавување: 21.11.2019

Датум на рецензија: 08.11.2019

Рецензира: Фатбарда Цури

Сензационалистички наслов што манипуилира

Преку насловот, медиумот избрал да ја манипулира јавноста опишувајќи го коментарот на Заев за Зекири како навредлив, иако не беше. Во истиот контекст, медиумот избрал да ги гледа и коментарите на социјалните медиуми. Тие ги оценувал како „навредливи“ и „масакар“, иако ова не е соодветниот термин за опишување на коментарите.

„По спротивставувањето на премиерот Заев, и коментаторите го масакрираа на неговиот ФБ профил. Еве неколку од коментарите што го масакрираа Мухамед Зекири“, се вели во веста што ја разгледуваме.

Како што може да се види, зборот масакр не беше користен дури и со наводници, што би помогнало кај читателите да се разбере дека станува збор за симболика. Употребата на зборот масакр, според прирачникот на „КриТинк“, е опишано како израз на говор на омраза што може да влезе во терминот „алармизам“.

 „Алармизам“ (анг. Alarmism) – Алармизмот е претерано или прекумерно предупредување за каква било реална или замислена закана, како што е ширење на смртност од заразни болести. И покрај тоа што ризиците се мали, медиумите можат да дадат сензационални извештаи “, се вели во ПРИРАЧНИКОТ.

„Навредливи коментари“ – аргументи против Зекири 

Така, со избирање на коментарите во кои главно е користен навредлив јазик и кои го критикуваат пратеникот на СДСМ, Мухамед Зекири, медиумот го користел концептот за манипулирање со „аргументите против личноста“. Овој концепт има за цел да ги избере само оние факти или податоци, во случајов коментарите на Фејсбук кои се против Зекири, со цел да се оштети и да се уништи неговиот имиџ и углед во СДСМ и во јавноста. Манипулацијата и тенденцијата може да се забележи и ако се погледне целата изјава на Заев, која вооопшто не е насочена негативно кон Зекири.

Изјавата на Заев: 

Со ДУИ имаме стабилни односи, фала му на Бога за слободата и кога имаме несогласувања тие излегуваат на површина. Но, тоа е и причината да ги решиме тие проблеми кога ќе се појават. Ние сме демократска партија, јас се гордеам, со демократијата во СДСМ, а сепак слободата на изразување и различното мислење во партијата постои. Но, дефинитивно, СДСМ во чие име зборувам како нејзин претседател, имаме одлични односи со ДУИ, бевме партнери во времето кога беа донесени најважните одлуки за државата“, рече премиерот Зоран Заев.

За читателите: Избегнувајте медиуми со говор на омраза

Говорот на омраза е казнив според Кривичниот законик, така што за да бидете добро информирани и точно, најдобро е да избегнувате медиуми што користат таков јазик. Во овој случај, не ги сметајте веродостојни и точни информациите што исто така се засноваат на коментари на социјалните мрежи засновани на говор на омраза. Оттаму ќе имате реакции, затоа што наместо да бидете информирани правилно и објективно, ќе бидете погрешно информирани и би можеле да станете потенцијална жртва на говорот на омраза.

Овој напис е преземен од проектот “Со критичко мислење до граѓани со медиумска умешност – КриТинк“, кој е спроведуван од Фондацијата „Метаморфозис“ и ЕВРОТИНК. Проектот е финансиран од Европската Унија. Ставовите и мислењата изнесени во овој напис не секогаш ги одразуваат оние на ЕУ. Написите од „Критинк“ се слободни за преземање со наведување на изворот и без измени и кратења.

Tweet