verifikimiifakteve.mksitemap
verifikimiifakteve.mksitemap

Сервис за проверка на факти од медиумите

Проект на УСАИД за зајакнување на медиумите во Македонија
USAID Logo

Манипулирање со агенциска вест

on 20 - 12 - 2016       

vecer

[Рецензија: Вашингтон Пост”: ВМРО-ДПМНЕ победи и ќе формира влада]

Многу грешки, непрофесионалност и етички недоследности, а може да се каже и незнаење, се собрале во една куса информација. Тоа е предизвикано од начинот на кој е преземена една вест од угледниот „Вашингтон пост“, која во оригиналот е насловена како „Macedonian politician: Foreigners interfering after vote“ или, во превод: „Македонски политичар: Странците се мешаат во постизборието“.

Треба веднаш да се напомене дека оваа вест во „Вашингтон пост“ е објавена како преземена информација од најстарата новинска агенција во светот – „Асошиејтед прес“. Нагласуваме најстара, бидејки „Асошиејтед прес“ е агенција која не си игра со професионалните стандарди и правила.

Како прво, насловот на веста категорично ја штити агенцијата дека таа вели дека странците се мешаат во постизборниот процес во Македонија со јасната атрибуција дека тоа го тврди македонски политичар.

Како второ, не е „Вашингтон пост“, туку „Асошиејтед прес“. Тоа треба прецизно да се издвои и да не му се припишува на весникот, туку на агенцијата.

Трето, во текстот пишува „конзервативците (ВМРО-ДПМНЕ, н.з.) очекуваат да формираат влада со својот долгодишен партнер…“

Тоа не е воопшто исто со: „Вашингтон Пост: ВМРО-ДПМНЕ победи и ќе формира влада“, како што сугерира насловот на веста што ја рецензираме. Бидејќи тоа не го тврди „Вашингтон пост“, туку „Асошиејтед прес“. Тоа треба прецизно да се издвои и да не му се припишува на весникот, туку на агенцијата.

12192016-vecer-apЛинк до оригиналниот напис: „Вашингтон Пост”: ВМРО-ДПМНЕ победи и ќе формира влада

Датум и време на објавување: 18.12.2016, 15:25

Датум на рецензирање: 19.12.2016

Рецензент: Зоран Бојаровски

 

 

СПИНУВАЊЕ

Да повториме: во оригиналниот текст пишува „конзервативците (ВМРО-ДПМНЕ, н.з.) очекуваат да формираат влада со својот долгодишен партнер…“.  Во насловот, пак, на медиумската содржина што ја објавува нашиот медиум сугерира: „ВМРО-ДПМНЕ победи и ќе формира влада“.

Тоа ниту една агенција не би си го дозволила, а камо ли „Асошиејтед прес“, а исто така, ниту „Вашингтон пост“.

Едноставно, веста што ја рецензираме ја извртела, ја спинувала веста на угледната агенција и на познатиот медиум.

Новинските агенции, како и професионалните и одговорни медиуми никогаш нема да си дозволат манипулација во своите извештаи, Тоа го нагласува во лекцијата „Агенциско новинарство – фабрика за вести“ и нашиот колега Владо Ѓорчев:

„Во агенциското новинарство најважно е начелото на сигурен извор на информации, краток опис на настанот и брза дистрибуција на информациите… Агенциските вести информираат за настани (факти) и мора да бидат точни, брзи и непристрасни“.

Но, практиката, еве, ни покажува дека има колеги што ги читаат и ги почитуваат лекциите, а има и такви кои ги бришат границите на професионалното новинарство од некои само ним познати причини и со тоа го злоупотребуваат трудот на професионалците.

 

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

точни наводи

делумно

infoVistinitostИЗВОРИ НА ИНФОРМАЦИИ

има евидентирани извори

неофицијални

релевантни,

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

лажни информации

наклонетост

политичка пристрасност

infoVistinitostКОМЕНТИРАЊЕ

нема коментаторски елементи

infoVistinitostПЛАГИЈАТ

делумна копија

наведен извор без линк

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

нема мултимедијални елементи

нема контекстуални линкови

стилски уреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *