verifikimiifakteve.mksitemap
verifikimiifakteve.mksitemap

Манипулативен наслов, непотребен сензационализам

on 10 - 05 - 2016       
Овој напис го има и на: Албански

FireShot Screen Capture #171 - 'download-2-1024x1013_png (1024×1013)' - proverkanafakti_mk_wp-content_uploads_2016_05_download-2-1024x1013_p

Напис: Се тресе Македонија, Ангелов предупредува за втора епизода на Диво Насеље?!

Претседателот на здружението на „бранителите“, Стојанче Ангелов, го обвинил лидерот на ВМРО-ДПМНЕ, Никола Груевски, дека по секоја цена се обидува да предизвика контролирана дестабилизација на Македонија, овојпат преку ГРОМ од Стефче Јакимоски. Според него, Груевски не успеа да предизвика насилство меѓу Албанците и Македонците, а сега е во обид да предизвика конфликт меѓу самите Македонци.

Ангелов ги повикува сите нивни подржувачи денеска во 18 часот да му се придружат на протестот на опозицијата против одлуката на Уставниот суд, што му дава можност на претседателот да ги помилува осудените за изборни неправилности, насилство, педофилија, трговија со дрога.

Тој ги повикува и контрапротестантите да им се придружат во протестот, за да му се каже НЕ на планот за крвопролевање, затоа за вакво нешто, тој  бара да не протестираат таму каде што веќе е најавен протестот или доколку веќе се наоѓаат таму, да си одат.

Инаку Ангелов беше најточниот предвидувач на настаните во Диво Насеље во Куманово што се случија на 9 и на 10 мај 2015 година, каде македонската полиција се судри со кумановската група.

Ангелов тогаш изјави дека поранешниот шеф на македонската тајна полиција, Сашо Мијалков, заедно со Никола Груевски, ѝ дал два милиони евра на една вооружена група за да предизвика инциденти во Македонија, како што се случи во Куманово и со нападот врз полициската караула во кумановско Гошинце.

[Рецензија: Се тресе Македонија, Ангелов предупредува за втора епизода на Диво Насеље?!]

Немајќи што да ѝ понудат на јавноста во самата содржина на новинарскиот производ, новинарите често знаат да го привлечат читателот со насловот, притоа намамувајќи го да мисли дека новинарскиот производ ќе го потврди тоа што е напишано во насловот. Таков пример ни се појавува и во овој напис.

download (1)Линк до оригиналниот напис:Се тресе Македонија, Ангелов предупредува за втора епизода на Диво Насеље?!

Датум и време на објавување: 29.04.2016

Датум на рецензирање: 03.05.2016

Рецензент: Џенис Сулимани

Новинарскиот производ што го рецензираме почнува со тенденциозен наслов:„Се тресе Македонија, Ангелов предупредува за втора епизода на Диво Насеље?!“ Меѓутоа, истиот никаде не може да се потврди во содржината, што подразбира дека станува збор за намерна манипулација со јавноста.

„Претседателот на здружението на „бранителите“, Стојанче Ангелов, го обвинил лидерот на ВМРО-ДПМНЕ, Никола Груевски, дека по секоја цена се обидува да предизвика контролирана дестабилизација на Македонија, овојпат преку ГРОМ од Стефче Јакимоски. Според него, Груевски не успеа да предизвика насилство меѓу Албанците и Македонците, а сега е во обид да предизвика конфликт меѓу самите Македонци.“

Од ова разбираме дека Ангелов го обвинува поранешниот премиер, сегашен претседател на ВМРО-ДПМНЕ, за поттикнување конфликт меѓу Македонците, но во ниеден момент не вели дека има шанси за настан како „кумановскиот“.

„Инаку, Ангелов беше најточниот предвидувач на настаните во Диво Насеље во Куманово што се случија на 9 и на 10 мај 2015 година, каде македонската полиција се судри со кумановската група.“

Текстот се обидува да го потврди тоа што го пренесува преку насловот, поставувајќи паралели дека Ангелов беше предвидувачот за тоа што се случи на 9 мај лани во Куманово, кога македонската полиција се судри со една вооружена група. Меѓутоа, предупредувањето на Ангелов за едно „Куманово 2“ е само едно толкување од новинарот, бидејќи тој во последното изјаснување зборува за конфликт меѓу Македонците, а не за тоа што се кажува во насловот. Насловот го привлекол читателот да влезе во веста, но не и да ја најде вистината. Јавноста бара да чита потврдени, објективни и точни информации, а не коментари или толкувања што се пласираат во форма на вест.

Како заклучок – насловот треба да се совпаѓа со текстот и не треба да биде манипулативен, како тој на текстот што го рецензираме. Не може во наслов да читаме нешто дијаметрално спротивно од тоа за што се пишува во веста.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

делумно

infoVistinitostИЗВОРИ НА ИНФОРМАЦИИ

има евидентирани извори

неофицијални

релевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

делумно прикажува вистина

извртување на вистина (спин)

нема лажни информации

не аплиактивно

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

дезинформира

некреативен

сензационален

несоодветен

тенденциозен

infoVistinitostФОТОГРАФИЈА

има

соодветна

ни манипулира ни информира - ставена е само како илустрација

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

читлив

не апликативно

нема контекстуални линкови

стилски неуреден

неповрзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести