Мал текст со епски наслов – за голема пропаганда за ДУИ!
Објавено во Рецензии
on 30 - 11 - 2016 Автор: Adrian Kerimi
Напис: Салата „Борис Трајковски“ мала за големата ДУИ
Демократската унија за интеграција е готова за почнување на промотивната конвенција.
Салата „Борис Трајковски“ во Скопје е мала за активистите и за поддржувачите на ДУИ.
Промотивната конвенција на ДУИ ќе се одржи во салата „Борис Трајковски“ во Скопје, известува „Тетова сот“.
На конвенцијата на ДУИ ќе се промовираат кандидатите за пратеници од седумте изборни единици.
[Рецензија: Салата „Борис Трајковски“ мала за големата ДУИ]
Бомбастичните или, да ги наречеме „епски“ наслови, се адекватен вовед за пропагандните текстови. Ова изгледа му е добро познато на авторот на текстот што го рецензираме. За оваа цел веста ја насловил „малата сала за големата ДУИ“. Пропагандната цел се докажува уште во првиот ред (од малкуте редови), но, пред сè и со фактот дека објавата има повеќе фотографии отколку текст, при што фотографиите се употребуваат како ултимативен доказ за една констатација што повеќе претставува навивање, отколку новинарство.
„Демократската унија за интеграција е готова за почнување на промотивната конвенција. Салата „Борис Трајковски“ во Скопје е мала за активистите и за поддржувачите на ДУИ“.
Независно од тоа што „веста“ е направена за собирот на еден субјект, во текстот нема елементи што кажуваат што се зборувало и кои биле главните точки на понудата што тој субјект ја претставил за време на собирот. Меѓутоа, акцентот на веста овде не е информација за изборната понуда, туку докажување дека партијата за која се пишува има голема поддршка од гласачкото тело.
Линк до оригиналниот напис: „Салата „Борис Трајковски“ мала за големата ДУИ“
Датум и време на објавување: 20.11.2016
Датум на рецензирање: 22.11.2016
Рецензент: Адриан Керими
Во случаи кога се известува за едно политичко прашање, новинарот треба да ги има предвид пораките што произлегуваат од говорите на политичките фигури. Во овој случај немаме ниту еден цитат, ветување или критика кон другите субјекти, што е вообичаено во вести што зборуваат за предизборната кампања.
„Промотивната конвенција на ДУИ ќе се одржи во салата „Борис Трајковски“ во Скопје, известува „Тетова сот“. На конвенцијата на ДУИ ќе се промовираат кандидатите за пратеници од седумте изборни единици“.
Текстот нема структура и ова се докажува и со недостигот од дополнителни информации. Написот завршува без епилог. Читателот сам треба да се потсети дека промотивната конвенција е направена во пресрет на парламентарните избори закажани за 11 декември, на кои ДУИ ќе се кандидира во одредени изборни единици. Читателот има потреба за информација, а не за пропаганда. Новинарството не е средство за пропаганда, а ниту, пак, канцеларија за информирање за партиски активности.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
делумно
ИЗВОРИ НА ИНФОРМАЦИИ
има евидентирани извори
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
не информира
некреативен
сензационален
соодветен
тенденциозен
ФОТОГРАФИЈА
има
соодветна
манипулира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
стилски неуреден
неповрзан со тагови